Covid-19 dıagnozy jańadan qoıylǵan almatylyqtardyń úsheýi 2000 jyly týǵan, ekeýi 2001 jylǵy. Olardyń barlyǵy buryn juqtyrǵandarmen qarym-qatynasta bolǵandar, karantındik stasıonarda oqshaýlaýda jatqan.
Degenmen, búgin 6 pasıent jazylyp shyqty, olardyń ishinde 4 áıel men 2 er adam bar.
Ushyp kelgenderdiń ishinen emdelip shyqqandar tórt adam, bireýi jergilikti vırýsy buryn anyqtalǵan adamdarmen baılanysta bolǵan jáne Balalar juqpaly aýrýlar aýrýhanasynyń bir medısına qyzmetkeri.
Almatyda Covid-19-dan 67 adam saýyǵyp shyqqan.
Qazirgi ýaqytta juqpaly aýrýlar stasıonarlarynda Covid-19-dan Almaty oblysynan bir áıeldi eseptegende, 329 pasıent emdelip jatyr.
Emdelip jatqandardyń densaýlyǵyna kelsek, 1 pasıenttiń jaǵdaıy óte aýyr, 5-ýinde – aýyr, 50 adamda – aýyrlyqtyń ortasha dárejesinde, 273 adamnyń jaı-kúıi – qanaǵattanarlyq.
Jalpy, osy kúnge deıin Almatyda koronavırýstyq ınfeksııany juqtyrǵan 398 oqıǵa tirkeldi.
Provızorlyq gospıtaldarda 368 azamat bar, onyń ishinde 7-i bala, karantındik oqshaýlaýda – 426, úı karantıninde – 7288 adam bar.
