Oblystyq energetıka jáne turǵyn úı-kommýnaldyq sharýashylyq basqarmasynyń basshysy Nurlan Aldamjarovtyń aıtýynsha, búgingi tańda oblys eldimekenderiniń 57,8 paıyzy ortalyqtandyrylǵan sýmen qamtylǵan. Sonymen qatar, 2023 jyly óńir turǵyndaryn tolyqtaı aýyzsýmen qamtamasyz etý josparlanǵan. Aǵymdaǵy jyly óńirde 17,4 mıllıard teńgege 50 sýmen jabdyqtaý nysanynyń qurylysy júrgizilýde. Jyl sońyna deıin 34 nysan paıdalanýǵa beriledi dep kútilýde. Tıisti qarjy "О́ńirlerdi damytý" jáne "Jumyspen qamtýdyń jol kartasy" memlekettik baǵdarlamalary aıasynda qarastyrylǵan. Sonymen qatar, sýmen jabdyqtaý nysandarynyń basym bóligi Jýaly, Baızaq, T.Rysqulov jáne Jambyl aýdandarynda salynatyn bolady. Sondaı-aq, 2021-2023 jyldary 84 eldimekenge júzdegen shaqyrym sý qubyry tartylyp, nátıjesinde oblystyń barlyq turǵyndary tolyqtaı taza aýyz sýǵa qol jetkizedi. Bul oraıda Jambyl oblysynyń ákimi Berdibek Saparbaev jospar-kestede belgilengen merzimnen qalys qalmaý úshin Taraz qalasy men Merki, Shý jáne Qordaı aýdandarynyń ákimderine merdigerlermen máselelerdi sheship, jobalyq-smetalyq qujattardy ýaqytyly daıyndaýdy tapsyrdy.
Búgingi tańda aýyldardy gazdandyrýǵa oblystyq jáne respýblıkalyq bıýdjetten, sonyń ishinde "Jumyspen qamtýdyń jol kartasy" aıasynda tıisti qarajat qarastyrylýda. Nátıjesinde barlyǵy 84 aýyl gazdandyrylatyn bolady. Sonymen qatar, bıyl 30 aýyl kógildir otynmen qamtylady. Búgingi tańda oblystaǵy 377 eldi mekenniń 192-sine tabıǵı gaz qubyry tartylǵan. Bul 51 paıyzdy quraıdy.
"Elimizdiń barlyq turǵyndarynyń taza aýyz sýǵa qoljetimdiligin qamtamasyz etý jáne gazdandyrýdy júrgizý mańyzdy basymdyqtar bolyp tabylady. Bul baǵyttaǵy kórsetkishter jaman emes. Endigi mindet – jumys qarqynyn tómendetýge ákeletin olqylyqtarǵa jol bermeý kerek. Jaýapty oryndar barlyq úılerdiń gaz qubyry men sý júıesine qosylýyn qamtamasyz etýi tıis", dedi Berdibek Saparbaev.
Sonymen qatar, ol ınjenerlik ınfraqurylym júıeli túrde damýy qajettigin, turǵyndar joldar retke keltirilgennen keıin jerasty ınjenerlik jelilerin jóndeý úshin kóp ýaqyt ótpeı qaıta qazylyp, buzylatynyna jıi shaǵymdanyp otyrǵanyn, sondyqtan da barlyq jumystar qatar atqarylýy kerek ekenin atap ótti.
Jambyl oblysy
