"Bıyl búkil el kóleminde atalyp ótip jatqan qazaqtyń danyshpan oıshyly, uly aqyn Abaı Qunanbaıulynyń 175 jyldyǵy qarsańynda biz de únsiz qala almadyq. Negizi, Abaı ánderiniń bir ereksheligi eresekterge de, jasóspirim balalarǵa da birdeı túsinikti, sazdy-yrǵaqty bolyp keledi. Abaıdyń "Aıttym sálem, Kalamqas", "Kózimniń qarasy" ánderin balalar tipti orta synyptarda-aq jattap alyp, naqyshyna keltirip oryndaıdy. Bıyl mektep shákirtteri ustazdarynyń jetekshiligimen uly aqynnyń ánderin úıde oryndap, ony beınetaspaǵa túsirip, mekteptiń elektrondy mekenjaıyna salyp jibergen eken. Solardyń basyn qosyp edik, kólemdi bir konserttik baǵdarlama bolyp shyqty. Árıne, Abaı ánderin kópshilik aldynda oryndap, kórermen rızashylyǵyna bólengenge ne jetsin, biraq onlaın konsertke de etimiz úırenip qaldy", - deıdi mektep dırektory Gúlnar Kýchıkova.
Abaı shyǵarmashylyǵyna arnalǵan onlaın-konsert qazaq mýzykalyq ádebıeti pániniń muǵalimi Almagúl Nurjanovanyń kirispe sózimen bastalady. Muǵalim uly aqynnyń týyp-ósken ortasy men HIH ǵasyrdyń ekinshi jartysyndaǵy qazaqtyń dástúrli ánshilik óneriniń syr-sıpatyna, damý ereksheligin baıandaı kelip, Abaı ánderiniń tabıǵatyna keńirek toqtalady.
Qostanaı oblysy
