AQSh-tyń tórt ýnıversıtetinen shaqyrtý alǵan oqýshy tańdaý jasady

Jas túlek bes tilge birdeı júırik eken: qazaq, orys, fransýz, aǵylshyn jáne túrik tilderin tereń meńgergen. О́zin ekonomıka, áleýmettaný jáne ja­ra­­ty­lystaný ǵylymdarynyń qyzyq­­ty­ratynyn aıtady.

Balnur 10-synypta oqyp júrgenin­de halyqaralyq emtıhan tapsyryp, onyń nátıjelerin álemniń túrli el­derin­degi ýnıversıtetterdiń jalpy baza­syna jibergen eken.

– Meniń yntalandyrý baǵytyndaǵy hatymdy oqyp, olar tańǵalypty. Jalpy, sheteldik ýnıversıtetter bola­shaq stýdentterdiń ózindik damýy­na, yntalanýyna, ishki sıpaty men dú­nıe­tanymyna úlken mán beredi eken. Bes tildi biletinim óz aldyna, men filmmaking and photography isimen, son­daı-aq ekologııalyq jobalarmen aına­lysamyn, matematıka boıynsha olım­pıadalarǵa qatystym. Negizi, oqýdan tys izdený men qyzyǵýshylyq adamnyń boıyndaǵy daralyq qasıetti asha túsedi. Ýnıversıtetter qalyptasqan tulǵa­lardy izdeıdi. Men armandarym­dy júzege asyrý úshin kúshimniń, bili­mim men múmkindikterimniń mol bolǵa­nyn qalaımyn. Bolashaqta ózimniń bıznes-jobalarymdy iske  asyrsam deımin, – dep armandaıdy talapty jas Balnur Tólenova.

Sonymen, Qaraǵandynyń daryndy qyzy Amerıkadaǵy Rod-Aılend shtatynyń ýnıversıtetin tańdady. Bul oqý ordasynda bilim alý quny jylyna 80 myń AQSh dollaryna deıin turady eken. Al emtıhan synaǵynan súrinbeı ótken Balnur bolsa, atalǵan ýnıversıtette tegin oqý múmkindigine ıe boldy.

QARAǴANDY