Mańǵystaýlyq naýqastardy emdeýge 12 áskerı dáriger jumyldyrylady. Onyń 10-y búgin Shyǵys Qazaqstan oblysynan keldi. Bul mamandardyń altaýy Semeı qalasynan jáne tórteýi О́skemen qalasynan keldi. Al, ekeýi Aqtaýdaǵy 25744 áskerı bóliminiń dárigeri.
Sonymen qatar, búgin óńirge Aqtóbe qalasyndaǵy medısına ýnıversıtetin bitirgen 10 jas maman keldi. 18 shilde kúni taǵy 6 dáriger jumystaryn bastaıdy. Sol ýnıversıtetti támamdaǵan 5 maman buǵan deıin Aqtaýǵa kelgen bolatyn. Taǵy 5 dáriger qazir Aqtóbede jumys istep jatyr, tamyz aıynda jumystaryn bitirip, Aqtaýǵa keledi.
Jalpy, Mańǵystaýǵa 26 jas maman keledi. Onyń 15-i ınternatýrany, 7-i rezıdentýra bitirgen dárigerler. 4 aqtóbelik maman Mańǵystaýda turaqty túrde eńbek etýge nıetti.
Aqtóbeden búgin kelgen 10 mamannyń altaýy mańǵystaýlyq, tórteýi Aqtóbe qalasynyń týmasy.
