Áleýmettik medısınalyq saqtandyrý qorynda aýqymdy ózgerister bastalady. Olar ishki úderisterdi ózgertýge, shtattyń qurylymyn qaıta qaraýǵa, shyǵyndardyń bir bóligin ońtaılandyrýǵa, ákimshilik shyǵystardy azaıtýǵa qatysty bolmaq. Aldymen asa qajet emes shyǵyndardan bas tartý josparlanýda, sonyń ishinde pıar shyǵyndaryn qosa alǵanda, 1 mlrd teńgeden astam teńge únemdeledi, dep habarlady qor basshylyǵy.
ÁMSQ basqarma tóraǵasy Bolat Tókejanovtyń aıtýynsha, qaıtalanatyn fýnksııalardy alyp tastaý esebinen Qordyń shtat sany qysqarady. Qazir bul shara ortalyq apparat deńgeıinde qarastyrylýda, keıinirek bul jumys fılıaldarda da júrgiziletin bolady. Budan basqa, fılıaldardyń qyzmeti, ókilettikteri men jaýapkershiligi aıtarlyqtaı ózgeredi. Bul problemalardy barynsha egjeı-tegjeıli jáne aýmaqtyq erekshelikterdi eskere otyryp sheshýge múmkindik beredi. Tarıf qurý, bıýdjetti satyp alý jáne josparlaý, medısınalyq kómek sapasyn baqylaý jáne "aqsha pasıenttiń sońynan erip júredi" degen basty qaǵıdatty saqtaý týraly bolyp otyr.
"Densaýlyq saqtaý júıesinde birneshe jyl jumys istedim, bas dárigerlermen tikeleı baılanysta boldym, sondyqtan men stasıonar men emhanalardaǵy barlyq qıyndyqty ishten jaqsy bilemin jáne Densaýlyq saqtaý mınıstrligimen, aımaqtyq organdarmen birlese otyryp, olardy tez arada sheshý joldaryn tabýǵa nıettimin", – dedi ÁMSQ basqarma tóraǵasy Bolat Tókejanov.
