Áıgili kúıshi-kompozıtor Ábdimomyn Jeldibaev oblystaǵy mádenı salanyń damýyndaǵy máselelerge alańdaıtynyn jetkizdi. Shý aýdanynyń keıbir eldi mekenderindegi aýyldyq klýbtardyń ǵımarattary apatty jaǵdaıda bolsa, keıbir mádenıet úıleriniń jumysy oıdaǵydaı emes eken. Bul turǵyda Berdibek Saparbaev kompozıtor kótergen máselelerge aıryqsha nazar aýdarý kerektigin atap ótti. Aǵymdaǵy jyly Shý aýdanyndaǵy Abaı aýylynda 100 adamǵa arnalǵan klýb salynýda. Sondaı-aq, aýdandyq Mádenıet úıi jóndelip, Kóktóbe aýylyndaǵy Mádenıet úıi gazdandyrylýda. Sol sııaqty mundaı jumystar aýdannyń birqatar aýyldarynda jalǵasýda. Berdibek Saparbaev aýdan ortalyǵy Tóle bı aýylynda mádenıet, shyǵarmashylyq jáne bilim salasyn damytý jobasy aıasynda úlken ortalyq salynyp jatqandyǵyn aıtyp ótti.
Al, Sarysý aýdanynyń turǵyny Aıtýǵan Ryspanov oblys basshysynan Arystandy aýylynan Túrkistan oblysyna aparatyn joldy asfalttaýdy surady. Qazirgi tańda bul jolǵa «Jumyspen qamtýdyń jol kartasy» baǵdarlamasy boıynsha bólingen qarajat esebinen qıyrshyq tas tóselgen. Sonymen qatar, Baızaq aýdanynyń turǵyny Maqun Tóleýǵalıeva Qostóbe aýylyndaǵy orta mekteptegi akt zaly men sport zaldarynyń qurylys máselelerin jedel sheship bergeni úshin oblys ákimine alǵys bildire kele, ol shatyrdyń sapasyz ekenin jetkizdi. О́z kezeginde Taraz qalasynyń turǵyny Jambyl Bekeev 2017 jyly «Eńbek» nátıjeli jumyspen qamtý jáne jappaı kásipkerlikti damytý baǵdarlamasy boıynsha qaıtarymsyz grant alyp, jeke kásip ashqanyn, ol aıaq kıim tigip, satýmen aınalysatynyn, endi ákimnen kásibin ilgeriletýge qoldaý kórsetýin surady. Al, "Qazaqtelekom" AQ Jambyl oblystyq fılıalynyń ókili Maıra Ońǵarbaeva talshyqty-optıkalyq baılanys jelisiniń jaǵdaıyna nazar aýdarý kerektigin aıtyp ótti. Ol ákimge baılanys jelisiniń jıi isten shyǵyp qalatynyn jetkizdi. Berdibek Saparbaev atalǵan máseleler boıynsha naqty sharalar qabyldanatynyn aıtty.
