Ideıany UKQMO janyndaǵy saraptamalyq keńes pen Vedomstvoaralyq komıssııa qoldaǵan. Fılmdi túsirýdi qoıýshy-rejısser Alekseı Kamenskıı qolǵa almaq. «Stýdııa Mergen» kompanııasymen birge.
Kartına avtorlary bizdiń túriktiń jaýynger qyzy Zarına, Palmıra patshaıymy Zenobııa, sultan hanym Roksolana, qytaı ımperator hanymy Ý Szetıan, Delı sultanatyndaǵy Razıııa-hatýn nemese Egıpettegi Shadjarrat ad-Dýrr syndy áıgili shyǵys bıleýshi áıelderi jaıly bilerimiz az ekendigine senimdi. Olar sol dáýirlerdegi eýropalyq saltqa qaraǵanda túrki-mońǵol qoǵamyndaǵy áıelderdiń quqyǵy áldeqaıda keńirek bolǵanyn kórsetkisi keledi. Handardyń jubaılary menshikti múlikke ıelik etken, bıleýshi taraptyń áıel ókilderi zańdy negizde quryltaılarǵa qatysqan, keıde mańyzdy memlekettik sheshimderdi óz betinshe qabyldaǵan. Bıleýshilerdiń jubaılary jáne qyzdarynyń iri qojalyqtary men áskerleri bolǵan, olar qaıyrymdylyqpen aınalysqan jáne ónerge qamqorshylyq jasaǵan.
Ortalyqtyń baspasóz qyzmetiniń habarlaýynsha, Eýrazııa bıleýshi áıelderiniń ómiri jaıly eń qyzyqty faktilerdi áńgimelep beretin ǵalymdar men sarapshylardyń tizimi kelisilip qoıǵan. Olar Qazaqstan, Reseı jáne Vengrııa mamandary. Túsirilimder Samarqanda, Qazanda, Sankt-Peterbýrgte, Oralda jáne Vengrııa aýmaǵynda, sondaı-aq Nur-Sultanda, Almaty jáne Almaty oblysynda júzege aspaq.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
