Bas basylym basshysy Joldaýdaǵy halqymyzdyń jańa bolmysyn qalyptastyrý, tutas ult sapasyn arttyrý jónindegi mindetke basa nazar aýdaryp, osy jaıyndaǵy óziniń oı-pikirin bildirdi.
– Prezıdent Joldaýda "Ádildik – qoǵam damýynyń mańyzdy sharty. Ádilettilik – ásirese, el-jurttyń taǵdyryn sheshý úshin asa qajet qasıet", dep bul qasterli uǵymǵa erekshe mańyz berdi. Odan keıin Memleket basshysy búgingi urpaqtyń tereń bilimdi bolýyna basa nazar aýdardy. Sonymen qatar, Joldaýda ysyrapshyldyq pen dańǵazalyqtyń, jaýapsyzdyq pen nemquraıdylyqtyń, bossózdilik pen maqtanshaqtyqtyń qoǵam men adamnyń damýyna barynsha kedergi keltiretin jaman ádetterden arylýǵa shaqyrdy. Jalpy, Joldaýda aıtylǵan mindetter tolyǵymen júzege asqanda, Prezıdent aıtqandaı "Jaýapty memleket – jaýapty qoǵam – jaýapty adam" júıesi berik ornyǵady dep senimdi túrde aıtýǵa bolady, – dedi Darhan Qydyráli.
Sondaı-aq kezdesýde Halyqaralyq Túrki akademııasy basyp shyǵarǵan "Joshy han. Tarıhı jazba, arheologııalyq, folklorlyq derekter jınaǵy", "Ulyq Ulys (Altyn Orda), Shaǵataı, Moǵolstan memleketi", "Zolotaıa Orda: ıstorııa, gosýdarstvennost, kýltýrnoe nasledıe" jáne Reseı tarıhshysy A.Porsınniń "Berke. Mýsýlmanın na mongolskom trone" atty kitaptardyń tusaýkeser rásimi ótti. Akademııa basshysy Darhan Qydyráli atalǵan kitaptardy jáne Rashıd ad-Dınniń bes tomnan turatyn "Jamıǵat at-taýarıh" eńbegin ýnıversıtettiń kitaphana qoryna syıǵa tartty.
Sonymen qatar, kezdesý barysynda "Egemen Qazaqstan" gazeti men E.A.Bóketov atyndaǵy Qaraǵandy ýnıversıteti arasynda yntymaqtastyq memorandýmyna qol qoıyldy. Atalǵan qujat boıynsha oqý ornynda bilim alyp júrgen jýrnalıstıka kafedrasynyń stýdentteri bas basylymnyń redaksııasynda óndiristik tájirıbeden ótetin bolady.
Kezdesý sońynda E.A.Bóketov atyndaǵy Qaraǵandy ýnıversıtetiniń basshysy Nurlan Dýlatbekov bilim oshaǵyndaǵy oqytýshylar quramy men stýdentter úshin "Egemen Qazaqstan" gazetiniń 100 danasyn jazdyryp beretinin jetkizdi.
"Munyń ózi bas basylym men ýnıversıtet arasyndaǵy yntymaqtastyqty nyǵaıtýǵa septigin tıgizedi", dep atap ótti Nurlan Dýlatbekov.
