"Sizdi taqqa otyrǵyzý týraly sheshimdi Kýveıttiń órkendeýine jáne múddesin qamtamasyz etýge uzaq jyldan beri sińirip kele jatqan rııasyz qyzmetińizge áýletińiz ben otandastaryńyzdyń bergen joǵary baǵasy ári elińizdiń ıgiligi jolyndaǵy bolashaq jeńisterińizge degen nyq seniminiń aıǵaǵy dep bilemin. Qazirgi tańda Kýveıt – irgesi berik, ekonomıkasy áleýetti, halqynyń ál-aýqaty jyldan jylǵa artyp otyrǵan el, sondaı-aq onyń halyqaralyq qaýymdastyqtaǵy mereıi de ústem. Osy rette Sizdiń basshylyǵyńyzben Kýveıt Memleketiniń damýy baıandy bolyp, ıgi maqsat-murattarǵa jete berýine tilektespin", delingen jedelhatta.
Qasym-Jomart Toqaev Qazaqstan men Kýveıt halyqtarynyń ıgiligi úshin eki el arasyndaǵy shynaıy dostyq pen ózara qoldaýǵa negizdelgen ártúrli saladaǵy yntymaqtastyqty óristetýge, birlese kúsh-jiger jumsaýǵa daıyn ekenin rastady.
Memleket basshysy sheıh Naýýaf ál-Ahmad ál-Djaber As-Sabahtyń asa jaýapty qyzmetine mol tabys, al dostas Kýveıt halqyna qut-bereke tiledi.
