Elbasy baıandamasyna – bes jyl

Atalǵan is-sharaǵa Par­lament Májilisiniń depýtattary Qýanysh Sultanov, Ersultan Bekturǵanov, Sapar Ahmetov, Qazaqstan Respýblıkasynyń tuńǵysh Syrtqy ister mınıstri Tóleýtaı Súleımenov, akademık Ǵarıfolla Esim, Qazaqstan Res­pýblıkasy Tuńǵysh Prezıdenti qory atqarýshy dırektorynyń orynbasary Igor Rogov jáne elimizge tanymal taǵy basqa qoǵam qaıratkerleri qatysty.

Jınalǵan qaýymǵa bul ret­ki uıymdastyrylyp otyrǵan ǵyly­mı keńestiń mańyzy jaıly ta­nystyrǵan Elbasy kitaphana­synyń dırektory Ámir­han Rahym­­janovtyń aıtýynsha, «BUU Bas Assam­bleıasy­nyń mereı­­toılyq sessııa­synda Qazaq­stan Respýblıkasy Tuńǵysh Pre­zı­den­tiniń sóılegen sózi jer-jahan kúl­li adamzat qaýym­dastyǵyna el­imizde júrgi­­zilip otyrǵan saıasattyń bola­shaq urpaqqa degen janashyr­lyǵyn dáleldep, jalpyǵa ortaq jaýap­kershilik úlgisin kórsetti. Bul baıandamada beıbit­shilikti jaqtaǵan elimizdiń syrt­qy saıasat pen ishki birligi jarasqan ultaralyq, dinaralyq qaýipsizdikke negiz bolatyn memleket qurýdyń úlgisi aıtyldy. Sonymen qatar bul baıandama úlken minberden qazaq tilinde usynylǵanyn aıta ketken jón. Osylaısha álem qaýymdastyǵy BUU minberinen qazaq tilin estidi. Iаǵnı Nursultan Ábishuly óziniń ana tilinde álemdi qaýip-qaterdiń sebep-saldarynan qutqaratyn strategııa oılastyrý HHI ǵasyrdaǵy adamzattyń basty mindeti ekenin atap ótti. Osy maqsatta BUU-nyń 100 jyldyǵyna oraı Dúnıejúzilik strategııa bastamasynyń josparyn (Jahandyq strategııalyq bastama-2045) daıyndaýdy usyndy. Bastamalar qataryna ıadrolyq qarýdan azat álemge qol jetkizýdiń jalpyǵa ortaq BUU deklarasııasyn qabyldaý usynysy kirdi. Osylaısha, Elbasy jahandyq syn-qaterdi eńserýdiń josparyn alǵa tarta otyryp, ony qabyldap, júzege asyrýdyń mezgili BUU men adamzatqa birdeı damý kezeńiniń mańyzdy shaǵy bolary sózsiz».

Sondaı-aq otyrysqa beıne­kon­ferensııa arqyly qatysqan Igor Rogov myrza óz sózinde «Bes jyl burynǵy baıandamanyń mátinine qarap, tarıhı oqıǵalardy boljaı bilgen Tuńǵysh Prezıdenttiń qyraǵylyǵyna tańǵalasyń. Bes jyl buryn Elbasymyz jahandyq syn-qaterdi eńserý boıynsha jalpyǵa ortaq jospar ázirleýdi usynsa, bıyl álemdi sharpyǵan indet bul máseleni taǵy da kóterip otyr. Kúlli adamzatty aldaǵy ýa­qytta qandaı synaqtardyń kútip tur­ǵany belgisiz. Sondyqtan mun­daı jospardy qabyldap, iske asyrý jer-jahan damýyndaǵy jańa kezeńniń bastaýy bolmaq», dedi.

Jıyn sońynda Ǵylymı keńestiń sheshimimen Qazaqstan Res­pýb­lıkasynyń Tuńǵysh Prezı­­denti – Elbasy Keńsesiniń Basshy­sy, saıası ǵylymdar doktory, professor Mahmud Qasymbekov Qurmetti tóraǵa bolyp saılansa, múshelerine Qýanysh Sultanov, Igor Rogov, Ǵarıfolla Esim, Tóleýtaı Súleımenov, Ersultan Bekturǵanovtar saılandy.

Shara sońynda meımandar Tuń­ǵysh Prezıdenttiń mýzeı keshenin aralap, jádigerlermen tanysty. Osy oraıda, memleket jáne qoǵam qaıratkeri Qýanysh Sul­tanov nazarǵa usynylǵan já­di­­ger­lerdiń – ultymyzdyń mádenı murasy, halqymyz­dyń rýhanı qazynasy ekenin atap ótti. «El tarıhy shoǵyr­lanǵan bul jer­den táýelsiz memleketimizdiń qalaı quryl­ǵanyn bilýge bolady. Mýzeıde Qazaqstan Respýb­lıkasynyń Tuń­ǵysh Prezıdenti – Elbasy Nursultan Nazarbaevtyń orasan eńbegi kópshilik nazaryna zamanaýı tehnologııalardyń kómegi­men usynylǵan. Elbasy­nyń murasyn elimizde de, halyq­aralyq deńgeıde de ilgeriletý maqsatynda oılastyrylǵan ju­mystaryńyzǵa tabys tileımin», dep jyly lebizin bildirdi Q.Sultanov.