Balalarǵa arnalǵan ulttyq án baıqaýyn jylda Álııa Nazarbaevanyń «Jandaný álemi» qory Mádenıet jáne sport mınıstrligi men Nursultan Nazarbaev qorynyń qoldaýymen ótkizip júr. Bıyl pandemııa jaǵdaıyna baılanysty ánshiler onlaın túrde iriktelgen. Iаǵnı, olar ózderiniń shyǵarmalaryn uıymdastyrý alqasyna beınejazba túrinde joldapty. Uıymdastyrýshylardyń aıtýynsha, elimizdiń túkpir-túkpirinen baıqaýǵa 8 jáne 12 aralyǵyndaǵy 4135 bala qatysqan.
Al sonshama jas darynnyń ishinen 20-sy tańdap alynyp, olar fınalda Respýblıka saraıynyń sahnasynda án saldy. Bul joly tálimgerler sanatynda Danııar О́tegen, Erden Jaqsymbekov, Álı Oqapov, Beıbit Qushqalıev, Ádiljan Omarov syndy ónerpazdar balaýsa talanttardyń janynan tabyldy.
Elimizdiń ár oblysynan tańdap alynǵan jıyrma bala fınaldyq konsertke daıyndalý úshin Almatyǵa bir jarym aı buryn ushyp jetken. Olar ózderiniń tálimgerlerimen, qoıýshy-rejısserler tobymen, konserttik kostıýmderdiń dızaınerlerimen, prodıýserlermen tanysyp, sahnaǵa shyǵýdyń qyr-syryna qanyq bolady.
Fınaldyq konsertte qatysýshylardyń árqaısysy ózderine arnaıy jazylǵan avtorlyq ánderdi aıtty. Sondaı-aq árbir ánge laıyqty qoıylym jasaldy. Sulý horeografııa men stıldi kıimder árbir úmitkerdiń ózin qalyptasqan ártis retinde sezinýine múmkindik berdi. Olardyń shyǵarmashylyǵyna Marjan Arapbaeva, Renat Gaısın, Dıana Snegına, Aqerke Búrkitbaı, Roman Kım, Zarına Altynbaeva jáne Aıan Birbaev syndy otandyq tanymal óner ıeleri qazylyq etti. Al «El tańdaýy» arnaıy júldesin kórermender notka.kz saıty arqyly daýys berip, ózderi taǵaıyndady. Bizdińshe, osy jolǵy «Bala daýysynyń» jańalyǵy – Aqtóbe oblysynan kelgen Aıdar Aqqulov bolǵan sııaqty. Ol «El tańdaýynda» jeńimpaz atanyp qoımaı, baıqaýdyń birinshi júldesin de utyp aldy. Onyń fınalda oryndaǵan «Ǵajaıyp álem» áni búkil kórermenniń kóńilinen shyqqany daýsyz.
Baıqaýdyń bas júldesi Mańǵystaý oblysynan kelgen Armen Saakıanǵa buıyrdy. Ol kórermender men qazylar alqasyn «Samǵa» ánimen tánti etti. Osy jerde aıta ketý kerek, baıqaýdyń bas júldesin alǵan jeńimpaz Dısneılendke joldamamen qosa, Qazaq ulttyq óner ýnıversıtetiniń grantyn da utyp aldy.
«Bala daýysynyń» ekinshi ornyn Jambyl oblysynan kelgen Bekmuhamed Ǵazızjanuly men Pavlodar oblysynyń qatysýshysy Leıla Sechoeva teń bólisse, úshinshi orynǵa tórt talapker laıyq dep tanyldy. Olar – almatylyq Rýslan Amıraslanov pen Ábilqaıyr Jumabaı, atyraýlyq Olesıa Kýzmına men Mańǵystaý oblysynan kelgen Aıarý Qımaǵambet.
Osy jyly elimizdiń árbir oblysynyń jáne iri megapolısterdiń atynan shyqqan qatysýshylarǵa úmit syılap, túrli sezim-kúılerge bólegen «Bala daýysynyń» besinshi kezeńi osylaı qorytyndylandy. Biraq «Bala daýysy» baıqaýy munymen bitpeıdi. Keler jyly taǵy da jalǵasyn tabary sózsiz.
