Shyǵarmanyń qoıýshy dırıjeri – Abzal Muhıtdın, lıbretto avtory – tanymal qazaqstandyq kınorejısser, ssenarıst, aqyn Baqyt Qaıyrbekov, horeografııalyq lıbretto adaptasııasynyń avtory – Jan Fransýa Vazel.
– Biz bul maýsymda osymen ekinshi premerany daıyndaýdamyz, sondaı-aq jyl sońyna deıin jańa tolyq aýqymdy operalyq spektakl qoıý josparymyzda bar. Qazirgi jaǵdaıǵa sáıkes teatrdyń qarqyny jaman emes dep esepteımin. «Dala úni» ulttyq baleti – bul qazaqstandyq jáne sheteldik sheber mamandardyń tyń oılarynyń tandemi. Ádette, pikirlester jınalǵan jerde shyǵarmashylyq týyndaıdy, al biz orasan zor oılardy ómirge ákelip júrgen joǵary deńgeıli kásipqoılardy tańdap aldyq degen oıdamyn. Zaldarda daıyndyq jumystary bastalyp ketti, trýppa tolyqtaı jumysqa kirisken, teatr sehtarynda kostıýmder tigilýde, dekorasııalar men býtoforııalar jasalýda. Premera óte qyzyqty ótetinine senimdimin, – dep atap ótti Qazaqstannyń eńbek sińirgen qaıratkeri, «Astana Opera» teatrynyń dırektory Ǵalym Ahmedıarov.
Shyǵarma barysynda erjúrek sáýletshige qanat bitirgen armandary zamanaýı horeografııa tilimen jetkiziletin bolady.
– Bul balettiń birinshi bólimi ulttyq bı elementterinen quralǵan dástúrli bolyp keledi, al ekinshi bólimi stılge baǵyndyrylǵan ári ásem qala ómirin kórsetedi. Ulttyq qımyl-qozǵalystar maǵan shabyt beredi, men olardy zerdeleımin de, óz álemime engizemin, keıin ózimniń ıkemime saı sál ózgertip, beıimdeımin. Horeografııa jasaǵan kezde men úshin mýzyka árdaıym birinshi orynda turady. Atalǵan spektaklde biz T.Qajyǵalıevtiń mýzykasyn paıdalandyq, ol óte yńǵaıly, sebebi áýel basta baletke arnap jazylǵan – dedi qoıýshy horeograf Patrık de Bana.
Qoıylym tobyna asqaq óner áleminiń has sheberleri engen: Rıkardo Sanches Kýerda – dekorasııalar boıynsha sýretshi, Stefanı Baýerle – kostıýmder boıynsha sýretshi, Karlos Pıno-Kantana – kompozıtor-árleýshi, Djeıms Angot – jaryq boıynsha sýretshi. Darıǵa Taıshyqova – kostıýmder boıynsha sýretshiniń keńesshisi, Ultaı Erdenbekova – jaryq boıynsha sýretshiniń keńesshisi, Alına Úsenbaeva – ssenografııany basqarýshy, Serik Basbaev, Zarına Aımuhanova – grım boıynsha sýretshiler.
