Probasııa qyzmetkerleri kómek qolyn sozdy

Prezıdent Qasym-Jomart Toqaevtyń Jarlyǵymen 2020 jyl «Volonter jyly» dep ja­rııalandy. Osyǵan oraı bıyl jyl basynda Mańǵystaý oblysynyń probasııa qyz­metteri jastar ortalyǵymen birlesip, qala belsendileri men eriktileriniń qatysýymen dóńgelek ústel ótkizip, bir jyl­ǵa arnalǵan josparlardy talqylaǵan edi. Belgilengen jos­parlar, sondaı-aq oblystyń qoǵamdyq jáne qaıyrymdylyq qorlarymen yntymaqtastyq týraly memorandýmdar boıynsha probasııa qyzmetiniń qyz­metkerleri eriktiler retinde túrli qaıyrymdylyq jobalar men aksııalarǵa qatysty. Mysaly, ákimdik usynǵan tizim boıynsha «Biz adamdarmyz, biz birgemiz» qoǵamdyq qory probasııa qyzmetkerlerimen birlesip zeınetkerdiń úıine baryp, oǵan kereýet jáne azyq-túlikter alyp berdi, qor psıhologtary zeınetkermen áńgime júrgizdi. Probasııa esebinde turǵan sottalǵandarǵa qatysty da osyndaı is-sharalar únemi ótkiziledi.

Probasııa qyzmetkerleri oblys azamattaryna da, probasııa esebinde turǵan sottalǵandarǵa da azyq-túlik, ydys-aıaq jáne basqa da turmystyq zattardy, asúı tehnıkasyn, jıhazdy jet­kizýge kómektesip keledi. О́mirde qıyn jaǵdaıǵa tap bol­ǵan tulǵalarǵa áleýmettik qoldaý kórsetýde jastar or­ta­­lyǵynyń volonterleri, qara­­paıym azamattar, Aqtaý qala­sy­nyń kásipkerleri de edáýir atsalysty.

Ásirese koronavırýs in­de­ti kezinde adamdar jumy­sy­nan aırylyp, qarjylyq qıyn­­­dyqtarǵa tap boldy. Bul qıyn­dyqtar bas bostan­dy­ǵy­nan aıyrylmaı, jazamen sottalǵandardy da aınalyp ótken joq. Sebebi olar­dyń basym kópshiligi ózin ózi qam­typ otyrǵandyqtan, karan­tın­dik sharalar engizilgen ke­zinde jalaqysynan aıyryldy. Volonter jyly aıasynda ártúrli jaǵdaıdaǵy jandarmen júzdesken Aqtaý qalasynyń probasııa qyzmetindegi qyz­met­­kerleri neshe túrli oqıǵa­larmen betpe-bet keldi. Mysaly, probasııa qyzmetine bel­gilenýge kelgen qyz bala páter jaldaýǵa, azyq-túlikke aqsha jetpeı jat­qanyn aıtyp, muńyn shaqqan. Probasııa qyz­met­kerleri áleý­mettik pat­ro­natty júzege asy­rýǵa kómek­tesetin qoǵamdyq qor­­larmen jáne kásipkerlermen ózara áreket etip, qyz bala azyq-túlik­pen jáne qarajatpen qam­­ta­masyz etildi, sondaı-aq páte­­riniń úsh aıǵa jalǵa alý aqy­sy tólendi. Bul bir ǵana jaǵdaı emes, esepte turǵan shamamen alpysqa jýyq adam indet saldarynan turmystyq qıyn jaǵdaılarǵa tap boldy. Qysyltaıań shaqta mundaı sottalǵandar azyq-túlik pen kıim-keshekter úlestirildi.

Turǵylyqty jeri boıynsha tekserýge barǵan kezde probasııa qyzmetkerleri azyq-túlik ala barýdy umytqan joq. Sonymen qatar probasııa bóliminde kıim qoımasy bar, onda sottalǵandar qajet bolǵan jaǵdaıda qalaǵan nársesin alýǵa bolady.

Mańǵystaý oblysy boıynsha QAJ departamenti Proba­sııa qyzmetiniń bastyǵy Ǵabıt Chýtabekov qalanyń eriktileri, probasııa qyzmetkerleri áleý­met­tik jumystyń túrli baǵyt­tary boıynsha qaıyrymdylyq sharalaryn udaıy ótkizip tura­tynyn aıtty.

Qaıyrymydylyq – saýapty is. Al probasııa qyzmetinde tirkeýde turǵandardy tasada qaldyrmaı qoldaý kórsetý, sondaı-aq múmkindikterine saı izgi isterge tartý – olar­dyń qo­ǵam­­ǵa qajet ekenin sezindi­rýdiń kórinisi.

Mańǵystaý oblysy