Jalpy Maqtaaral aýdanynda 86,5 shaqyrymdy quraıtyn respýblıkalyq, 208,7 shaqyrymdy quraıtyn oblystyq, 44,3 shaqyrymdy quraıtyn aýdandyq mańyzy bar joldar bar jáne eldi mekenderdiń ishki kósheleri 569,2 shaqyrymǵa jetedi.
2019 jyly aýdanda 3,6 shaqyrymdy quraıtyn aýdandyq mańyzy bar 3 avtokólik jolyn kúrdeli jóndeý jumystaryna 161 mıllıon teńge qarjy qaralyp, nysandardyń qurylysy osy jyldyń sońyna deıin aıaqtalady dep kútilýde. Sonymen qatar 2020 jyly aýdandyq bıýdjetten 381 mıllıon teńge qarjy qaralyp, 51,05 shaqyrymdy quraıtyn 94 ishki kóshege tas tóseý jumystary júrgizildi.
Jyl sońyna deıin 1,6 mıllıard teńgege 62,7 shaqyrymdy quraıtyn 77 ishki kóshelerge asfalt tóseý jumystary josparlanǵan bolsa, qazirgi tańda 70 kóshege asfalt tóseldi. Onyń ishinde, "Aýyl - el besigi" baǵdarlamasy aıasynda 41 kóshe, jergilikti bıýdjet esebinen 7 kóshe, sý tasqyny saldarynan qalpyna keltiriletin 29 kóshe bar.
Aıta keteıik, A-15 respýblıkalyq avtomobıl jolynyń Kireberis-Gúlistan tarmaǵy jáne oblystyq mańyzy bar KH-77, KH-78, KH-80, KH-164 avtomobıl joldary orta jóndeýden ótse, KH77, KH100 avtomobıl joldary aǵymdaǵy jóndeýden ótti.
