«Bolashaq» baǵdarlamasynyń stýdentteri «Meniń Týym. Meniń Otanym!» aksııasyn qoldaıdy. Olar búkil álem boıynsha aksııaǵa qatysýda. Shetelde oqıtyn stýdentter úshin tý jaı ǵana sımvolıka emes. Bul týǵan jerimizdi eske túsiretin úıimizdiń, ózimizdiń bóligimiz. Elinen jyraqtaǵy stýdentter ózderin erekshe patrıot sezinedi. Olar árdaıym Qazaqstannyń týyn jelbiretedi, bizdiń el týraly, mádenıet pen dástúrimiz týraly únemi aıtyp júredi», - deıdi Qazaqstan Respýblıkasy Prezıdentiniń «Bolashaq» Halyqaralyq stıpendııasy stıpendıattary qaýymdastyǵynyń atqarýshy dırektory Laýra Demesinova.
Halyqaralyq «Bolashaq» stıpendııalyq baǵdarlamasy - Qazaqstandaǵy eń tanymal bilim berý baǵdarlamalarynyń biri. Búginge deıin 13 976 adam stependııa ıegeri boldy.
Aksııany elordalyqtar qoldap, balkondaryna tý ilip qoıdy. Osylaısha, qala turǵyndary qazaqstandyqtardy kele jatqan merekelerimen quttyqtap, olardy chellendjdi qoldaýǵa shaqyrdy. Sondaı-aq azamattar #MenińTýym #MenińTýymMenińOtanym #MoıFlagMoıaRodına #SvetMoeıRodıny #BizdińOrtaqMereke #NashObshııPrazdnık heshtegimen Qazaqstan Respýblıkasynyń týymen baılanysty jazbalar, fotosýretter, vıdeo men sıýjetter jarııalaý arqyly chellendjge qatysa alady.
