Tarıh • 25 Aqpan, 2021

Altyn Orda tarıhy kınoǵa aınalady

302 ret kórsetildi

Jýyrda el Prezıdenti Qasym-Jomart Toqaev óziniń úndeýinde kınematografıs­terge tarıhı taqyrypta fılmderdi túsirý qa­jettigin aıtqany esimizde. «Búgin­de álemdik kınoındýstrııada tarıh taqyry­byndaǵy ssenarıılerge suranys joǵary. Osy oraıda bizdiń de tarıhymyzda aýqymdy fılmderge arqaý bolatyn mańyzdy belester men oqıǵalar barshylyq. Mysaly, álemdegi eń qýatty ımperııalardyń biri bol­ǵan Altyn orda tarıhy daıyn turǵan joq pa?! Bul máselege bolashaqta kıno salasy­nyń mamandary basa nazar aýdarǵany jón», degen edi Prezıdent.

Endi mine, sol úndeýdiń izi sýymaı jatyp, Ult­tyq kınony qoldaý memlekettik ortalyǵynan Altyn orda tarıhyna arnalǵan iri kınojobanyń tujyrymdamasy ázirlenip jatqanyn habarlaǵan aqparat tústi. «Kıno ortalyǵynyń janynan arnaıy jumys toby quryldy. Ol el basshylyǵyna bolashaq kınojobanyń negizgi kórinisi, modeli men arhıtektýrasy boıynsha usynys beredi. Daıyn­dyqtyń birinshi kezeńinde kásibı tarıhshylar men tájirıbeli kınodramatýrg, etnograftar men ádebıettanýshylardan aqparat jınalady. Sonymen qatar úlken halyqaralyq tarıhı kınojobalardy jasaý boıynsha tabysty tájirıbesi bar Gollıvýd, Eýropa, Reseı jáne Azııanyń úzdik óndiristik kompa­nııalary arasynan jahandyq seriktester men ınves­torlardy izdeý júrgizilýde», delingen orta­lyqtyń baspasóz habarlamasynda.

Ulttyq kınony qoldaý ortalyǵynyń basqar­ma tóraǵasy Esetjan Qosýbaevtyń aıtýynsha, or­­talyq jýyrda eki gol­lıvýdtyq kompanııamen beı­nebaılanys arqyly konferensııa ótkizgen. Ja­qyn arada azııalyq árip­tes­termen kezdesý ótki­zý josparlanýda. Orta­lyq basshysy óndiristiń qar­­jylyq modelin pysyq­taýǵa basa nazar aýdarý kerek­tigin aıtady.

«Biz «Kóshpendiler» atty tarıhı blokbasterdi satý jáne jalǵa berý boıynsha jaǵymsyz táji­rı­beni eskere otyryp, ótken qatelerdi qaıtalamas úshin, jobanyń barlyq bólshekterin pysyqtaýdy, úlken jaýapkershilikpen qarap, kezeń-kezeńimen iske asyrýdy mindetimizge alamyz. Birinshi kezekte ishki resýrstardyń ólshemi alynady – qazaqstan­dyq kınematografısterdiń qaısysy ádebı kontent­ti qa­lyptastyrýǵa daıyn. Túsiriletin kınonyń tarıhı kezeńi is júzinde aıqyn bolǵandyqtan, biz sınopsıs pen odan keıingi ssenarııdi barynsha shynaıy ári tereń ádebı-tarıhı taldaý negizin­de jazýǵa kirisýimiz kerek. Bul prosess jedel, biraq so­ny­men birge óte muqııat júrgiziledi dep aıta ala­myn. Osy mańyzdy jobamen jumys isteýde Ult­­tyq kınony qoldaý memlekettik ortalyǵy tarıhı, mádenı, tárbıelik jáne eń bastysy kásibı ádis­namany ázirleý jónindegi basty úılestirýshi bolýy tıis», deıdi E.Qosýbaev.

Ulttyq kınony qoldaý memlekettik ortalyǵy aldaǵy ýaqytta halyqty jobanyń jumys barysy men odan ári iske asyrý jóninde qabyldanǵan sheshim­der týraly habardar etip otyrmaq.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar