Ulttyq qordyń turaqtandyrý portfeliniń maksımaldy jáne mınımaldy kólemin saqtaý maqsatynda turaqtandyrý portfeliniń aktıvterin toltyrý nemese alý sharttaryna ózgerister engizildi. Osy oraıda Qordyń turaqtandyrý portfeliniń mınımaldy deńgeıi 5 mıllıard dollar bolýy tıis degen talap kúshinde qaldy.
Eger ár toqsannyń aıaǵynda turaqtandyrý portfeliniń mólsheri 5 mıllıard dollardan kem bolsa, qarajat jınaq portfelinen turaqtandyrý portfeline aýdarylady. Sondyqtan aktıvterdi turaqtandyrý jáne jınaq portfolıosyna bólinedi. Jınaq portfeli táýekeldiń tıisti deńgeıimen uzaq merzimdi kiristilikti, turaqtandyrý portfeli Ulttyq qor aktıvteriniń ótimdiliginiń jetkilikti deńgeıin qamtamasyz etýdi kózdeıdi.
Ulttyq qordyń aktıvteri 2021 jyldyń aqpan aıynyń sońynda bir aıda 70 mıllıon dollarǵa azaıyp, 57,6 mıllıard dollardy qurady.
Ulttyq bank tóraǵasy Erbolat Dosaevtyń aıtýynsha, aqpan aıynda 375 mıllıard teńgege nemese 900 mıllıon dollarǵa maqsatty jáne kepildendirilgen transfertter bólý úshin 443 mıllıon dollar satylǵan.
