Qarjy • 08 Sáýir, 2021

Qarjy retteýshisi mıkroqarjylyq qyzmetti lısenzııalaý qorytyndysyn shyǵardy

18 ret kórsetildi

2021 jylǵy 1 qańtardan bastap Qazaqstanda mıkroqarjylyq qyzmetti lısenzııalaý iske qosyldy. MQU naryǵyn retteý banktik emes sektordaǵy táýekelderdi azaıtý, onyń ashyqtyǵyn arttyrý úshin jáne qarjylyq qyzmetterdi tutynýshylardyń quqyqtaryn qorǵaý úshin engizilgen bolatyn. 2021 jylǵy 1 naýryzdaǵy jaǵdaı boıynsha QR Qarjy naryǵyn retteý jáne damytý agenttigine mıkroqarjylyq qyzmetti júrgizýge lısenzııa berý týraly ótinishpen 1 024 kompanııa júgindi, dep jazady  Egemen.kz.

Aǵymdaǵy jylǵy 1 sáýirdegi derekter boıynsha mıkroqarjylandyrý naryǵynyń 883 sýbektisi, onyń ishinde 178 mıkroqarjy uıymy (budan ári – MQU), 542 lombard jáne 163 kredıttik seriktestik Agenttiktiń mıkroqarjylyq qyzmetti júzege asyrýǵa lısenzııasyn aldy,  dep habarlaıdy memlekettik organnyń baspasóz qyzmeti. Mıkroqarjylyq qyzmetti júzege asyrýǵa lısenzııasy bar uıymdardyń tizilimi agenttiktiń resmı saıtynda ornalastyrylǵan.   

«О́tken jylǵy qarasha aıynda biz Mıkroqarjylyq qyzmetti lısenzııalaý qaǵıdalaryn bekittik. Qaǵıdalarda býhgalterlik esepti avtomattandyrýǵa, basshy qyzmetkerlerdiń minsiz iskerlik bedeli men biliktiligine, MQU qatysýshylarynda alynbaǵan nemese ótelmegen sottylyqtyń bolmaýyna, qylmystyq jolmen alynǵan kiristerdi zańdastyrýǵa qarsy is-qımyl salasyndaǵy aqparattyq júıege qosylýǵa qoıylatyn talaptar, úı-jaılardyń qaýipsizdik standarttary kózdeledi. Buǵan qosa, lısenzııalaý prosesin jeńildetý úshin belgilengen talaptarǵa sáıkestigin rastaıtyn qujattar men málimetter tizbesi anyqtaldy. Ýaqyt tyǵyzdyǵyn eskere otyryp, QNRDA Mıkroqarjylyq uıymdar qaýymdastyǵymen, Qazaqstan lombardtarynyń ulttyq lıgasymen jáne Agroónerkásiptik keshenniń kredıttik seriktestikter qaýymdastyǵymen birlese otyryp, mıkrokredıtteý naryǵynyń qatysýshylaryna lısenzııalaýdyń barlyq kezeńderin túsindirý jumysyn júrgizdi. О́tinishterdi qaraý belgilengen merzimderdi saqtaı otyryp júrgizildi, lısenzıattarǵa qujattardy «elektrondyq úkimettiń» veb-portaly arqyly elektrondyq túrde, sondaı-aq keńse arqyly qaǵazdaǵy nusqada usyný múmkindigi berildi», deıdi agenttik Tóraǵasynyń orynbasary Nurlan Ábdirahmanov.

MQU-nyń ornyqtylyǵyn, eń az standarttardy saqtaý úshin  qarjylyq, tehnıkalyq quraldar men personaldyń bolýyn qamtamasyz etý úshin 2019 jylǵy qarashada MQU-nyń jarǵylyq jáne menshikti kapıtaldarynyń mólsherlerine talaptar belgilendi. Is-árekettegi sýbektiler úshin kapıtaldardyń eń tómengi mánderin MQU úshin  30 mln teńgeden 100 mln teńgege deıin, kredıttik seriktestikter úshin  10 mln teńgeden 50 mln teńgege deıin, lombardtar úshin 10 mln teńgeden 70 mln teńgege deıin kezeń-kezeńimen 2023 jylǵa deıin arttyrý kózdelip otyr. Bul rette, jańadan qurylatyn uıymdar jarǵylyq jáne menshikti kapıtaldaryn joǵarylatylǵan eń az mánderdiń deńgeıinde qalyptastyrýǵa tıis.

«Lısenzııalaýdy engizý mıkroqarjy naryǵy sýbektileriniń jyldyq tıimdi syıaqy mólsherlemesiniń shekti mánderin saqtaýyn baqylaýdy qamtamasyz etýge, olardyń zańsyz qyzmet jáne alaıaqtyq operasııalar, qarjy pıramıdalarynyń shemalaryn júrgizýine jol bermeýge jáne osylaısha naryqtan josyqsyz uıymdardy shyǵaryp,  tutynýshylardyń múddelerin qorǵaýǵa múmkindik beredi», dep habarlady agenttik basshysynyń orynbasary Nurlan Ábdirahmanov.

QNRDA-ǵa belgilengen merzimde lısenzııa alýǵa ótinish bildirmegen ne lısenzııa alýdan bas tartylǵan is-árekettegi  mıkroqarjy naryǵynyń uıymdaryna qatysty sot tártibimen májbúrlep qaıta uıymdastyrý ne taratý jónindegi sharalar qabyldanatyn bolady.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar