Júzdesý kezinde Temirlan Oljabaı men Ernat Naýryz baıqaýdyń aqtyq kezeńine daıyndyq barysy qalaı júrgeni jaıynda aıtyp, shyǵarmashylyq josparymen bólisti.
Mınıstr Golden Time Talent halyqaralyq festıvaliniń jeńimpazdary elimizdiń Tokıo Olımpıadasyndaǵy mádenıet boıynsha Ambassadory atanǵanyn habarlady. Sonymen qatar Mınıstrlik mýzykada ózindik jolyn qalyptastyryp kele jatqan jas dýetti qoldaýǵa daıyn ekenin atap ótti.
«Biz onlaın formatta tapjylmaı tamashalaǵan Gran-fınaldaǵy Sizderdiń jarqyn baǵdarlamalaryńyz kórermenniń júrek qylyn shertip, erekshe áser syılady. Tanymal kompozıtor Antonıo Vıvaldıdiń barokko stılindegi shoqtyǵy bıik «Jyl mezgilderi» toptamasyndaǵy «Jaz» shyǵarmasyn óńdep, qońyr dombyramen oryndap, halqymyzdyń kıeli aspabyn dáriptep kelesizder. Sizderdiń mýzykaǵa degen qushtarlyqtaryńyz ben tapqyrlyqtaryńyzdyń aıqyn aıǵaǵy bolǵan osy júlde álemdik deńgeıdegi tolaıym tabystardyń bastaýy bolsyn.
Aldaǵy ýaqytta da elimizdiń rýhanı-mádenı salasyn baıytý jolyndaǵy eseli eńbekterińizdiń jemisti bolýyna tilektespin», dedi Aqtoty Raıymqulova.
Sondaı-aq Mədenıet jəne sport mınıstri Qazaq ulttyq óner ýnıversıtetin támamdaǵan qos ónerpazǵa shyǵarmashylyq shabyt, tolaıym tabys tiledi.
