Kópshiliktiń qýanyshyna Nursultan Nazarbaev qorynyń dırektory, Parlament Májilisiniń depýtaty, «Qazaqstan áıelderi kúshteriniń Alıansy» qamqorshylyq keńesiniń tóraǵasy Darıǵa Nazarbaeva ortaqtasty.
«Álem» balalardy ońaltý ortalyǵyna BMS dıagnozy bar jáne tirek-qımyl júıesi buzylǵan balalar barady. Búginde ortalyqtyń jalpy aýdany 4 myń sharshy metrdi quraıdy. Ortalyq 100 balany qabyldaı alady. Osy ýaqytqa deıin 40 bala qabyldaǵanyn aıta ketý kerek.
2 jastan 18 jasqa deıingi balalar úshin feldsher, emdeý-dene shynyqtyrý, logoped kabınetteri jumys isteıdi. Sondaı-aq ońaltýdyń jańa túri qarastyrylǵan. Bul – ıpoterapııa, ıaǵnı atqa miný. Munda 18 ben 29 jas aralyǵyndaǵy múmkindigi shekteýli jandarǵa arnalǵan trenajer zaly, massaj kabıneti, psıholog jáne gıdromassaj kabıneti jumys isteıdi. Sonymen qatar ortalyqta ashana, konsert zaly jáne basseın bar. Balalar kún saıyn «Álem» ortalyǵyna tegin jetkiziledi.
