Aıta keteıik, is-sharany ótkizý týraly ýaǵdalastyqqa QR Aqparat jáne qoǵamdyq damý mınıstri Aıda Balaevanyń 2021 jylǵy sáýirdegi Túrkııaǵa is sapary barysynda qol jetkizildi, onda ol eki el arasyndaǵy qarym-qatynastyń nyǵaıýyna Elbasy Nursultan Nazarbaev pen el Prezıdenti Qasym-Jomart Toqaev árqashan mańyzdy mán beretinin atap ótken bolatyn.
Búgin, 3 maýsymda onlaın-is-sharalar din, jastar saıasaty, azamattyq qoǵamdy damytý jáne volonterlik salalarynda tájirıbe almasý máselelerin talqylaý boıynsha ótti.
Taraptar Qazaqstan musylmandary dinı basqarmasy men Túrkııa Respýblıkasy Din isteri basqarmasy arasynda ekijaqty yntymaqtastyqty nyǵaıtý boıynsha kelisimge keldi.
Jastar saıasatyn iske asyrý, azamattyq qoǵam men volonterlikti damytý máselelerin talqylaý barysynda qazaqstandyq tarap jastar resýrstyq ortalyqtarynyń jumys isteý tájirıbesi, Qazaqstandaǵy azamattyq sektordy qoldaý sharalary týraly aıtyp ótti.
Sonymen qatar QR Aqparat jáne qoǵamdyq damý mınıstrligi túrik seriktesterin Qazaqstan Prezıdenti Qasym-Jomart Toqaevtyń BUU Bas Assambleıasynyń 75-shi sessııasynda Eriktilerdi jumyldyrýdyń halyqaralyq jylyn jarııalaý týraly aıtqan bastamasyn qoldaýǵa shaqyrdy.
Taraptar búgingi is-sharalardyń qorytyndylaryn oń baǵalap, ekijaqty yntymaqtastyqty odan ári damytý isinde aıtylǵan usynystardy eskerýge daıyn ekendikterin bildirdi.
