Ákimniń aıtýynsha, keıingi 2 jylda mundaı qýańshylyq óńirde qaıtalǵanbaǵan.
«О́tken jyldyń sońynda biz arnaıy oblystyq bıýdjetten qarajat bólip, tıisti jem men shópti satyp aldyq. Iаǵnı Aqtóbe oblysynan shóp satyp alyp, ony tıisti sharýa qojalyqtaryna jetkizdik», dedi oblys ákimi.
Belgili bolǵandaı, sharýalarǵa shóp Aqtóbe oblysynan jetkiziletin boldy. Alaıda jem-shóptiń baǵasyna qatysty másele bar ekenin aıtyldy.
«Qýańshylyqqa baılanysty biz arnaıy shtab qurdyq. Aýyl sharýashylyǵy mınıstrligimen birge jumys istep jatyrmyz. Aqtóbe oblysynan shóp ákelý úshin memorandým jasaldy. Jergilikti bıýdjetten qosymsha qarajat bólindi», dedi óńir basshysy.
О́ńir basshysy bul jumysty áleýmettik korporasııa arqyly úılestiretinin jetkizdi.
«Azyq-túlik kelisim shart korporasııasy arqyly jem alý boıynsha tıisti qarajat bólindi. 10-20 maýsymǵa deıin 10 vagon jem óńirge jetkizilýi kerek. Olardy biz árbir aýdanǵa jetkizip beremiz. Sharýa qojalyqtaryna jem arzan baǵamen beriledi», dedi Serikbaı Turymov.
Aıta ketsek, Mańǵystaý oblysynda 5 aýdan bar: Beıneý, Mańǵystaý, Munaıly, Qaraqııa, Túpqaraǵan. Osyǵan deıin Aýyl sharýashyly mınıstrligi Mańǵystaý oblysyna jem-shóp satyp alýǵa jáne jetkizýge 204 mln teńge bólingenin habarlaǵan.
