Sport • 13 Maýsym, 2021

Dzıýdodan qaı eldiń kóshi ilgeri?

226 ret kórsetildi

Dzıýdodan Majarstannyń astanasynda ótken álem chempıonatynda Japonııa quramasy eń kóp júldege ıelik etip, jalpy komandalyq esepte kósh bastady, dep habarlaıdy Egemen.kz.

Erler saıysynda Japonııa qurmasy ozdy. Kúnshyǵys eliniń jigitteri 2 altyn men 1 qola medaldi oljalady. Osy oraıda, japondardyń birinshi nómirli balýandary Býdapeshtke kelmegenin aıta ketýge tıispiz. Olar elde qalyp, kelesi aıda alaýy tutanatyn Olımpııa oıyndaryna esh alańsyz daıarlanýdy qup kórdi. Soǵan qaramastan, aıtýly memleket órenderiniń qarqynyna eshkim shydaı almady. Ekinshi orynda – Grýzııa. Qap taýynan kelgen qyrandar 1 altyn, 1 kúmis jáne 2 qolany enshiledi. Reseı quramasy úshinshi satyǵa jaıǵasty. Olar 1 altyn, 1 kúmis jáne 1 qola medaldi qorjynǵa saldy. Sondaı-aq, Belgııa, Ispanııa jáne Portýgalııanyń dzıýdoshylary bir-bir retten jeńis tuǵyrynyń eń bıik satysyna kóterildi.

Áıelder arasynda da Japonııa quramasyna teń keler komanda tabylmady. Olar 3 altyn, 4 kúmis jáne 1 qola júldeni qorjynǵa saldy. Bir aıta keterligi, japon qyzdary eki salmaq dárejesi boıynsha fınaldyq saıysta ózara kúsh synasty. Ekinshi orynda – Fransııa. Osydan eki jyl buryn Tokıoda ótken álem chempıonatynda óz eliniń ánuranyn úsh márte shyrqatqan fransýzdar bul joly 1 altyn pen 1 kúmisti qanaǵat tutty. Úshinshi oryndy Germanııa quramasy ıelendi. Nemistiń burymdylary 1 altyn men 1 qolaǵa qol sozdy. Sonymen qatar, Kanada men Horvatııanyń arýlary da Majarstannyń astanasynda altynnan alqa taǵyndy.

Al qorjynynda jalǵyz kúmis medali bar Qazaqstan quramasy osy jarystyń jalpy komandalyq esebinde Italııa, Slovenııa jáne О́zbekstannyń dzıýdoshylarymen birge 13-16 oryndardy bólisti.

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar