Jyl saıyn temeki ónimderiniń «qara naryǵyna» ondaǵan mıllıard temeki tasymaldanady. Mysaly, tek ótken jyly Qazaqstanǵa 1,2 mlrd astam teńgege 7,9 mln astam temeki qoraby zańsyz tasymaldanǵan.
Kontrabanda temeki ónimderine salyq salý júıesine nuqsan keltirip, temeki shegýdi jastarǵa qol jetimdi etý arqyly qoǵamǵa aıtarlyqtaı zııan keltiredi.
Temeki ónimderiniń kontrabandasynan túsetin kiristerdi kóbine qylmystyq jáne terrorıstik toptar ıelendi.
Mańǵystaý oblysy boıynsha Ekonomıkalyq tergep-tekserý departamenti Irannan Qazaqstan aýmaǵyna temekiniń ekonomıkalyq kontrabandasyn iske asyrǵan qylmystyq top qyzmetiniń jolyn kesti.
Tergeý barysynda Aqtaý qalalyq «Morport» keden beketi basshysynyń qoldaýymen Irannan keramıkalyq plıtkalar men tomat pastasy túrinde 30 konteıner temeki zańsyz tasymaldanǵany anyqtaldy.
Temekiniń zańsyz kontrabandasyna kómek kórsetý úshin UQT músheleri aqshalaı syıaqy usynǵan.
Tárkilengen temekiniń kedendik quny – 1,7 mlrd teńgeden astam, kedendik tólemder men salyqtar – 4,8 mlrd teńgeni qurady.
Basty uıymdastyrýshy jáne laýazymdy tulǵa – 10 jylǵa, quqyqqa qarsy qyzmettiń úsh sybaılasy 5 jylǵa sottaldy.
