Modeldik sıfrly fabrıkalar

 Vedomstvo deregi boıynsha, qazirgi kezde jobaǵa «Hımfarm» AQ, «Kentaý transformator zaýyty» AQ, «Evrazıan Fýds» AQ, «Altynalmas AK» AQ, «Karlskrona» JShS, «Almaty jeldetkish zaýyty» JShS jáne «Bal Tekstıl» JShS qatysyp jatyr. Barlyǵyn qosa eseptegende, jalpy ınvestısııa somasy 10,4 mlrd teńge bolatyn 49 joba júzege aspaq. Máselen, «Hımfarm» AQ qolǵa alǵan «Aqyldy tehnıkalyq qyzmet kórsetý» jobasy jabdyqqa predıktıvti qyzmet kórsetýge, óndiristik qyzmetke zııan keltirmeı jóndeý jumystaryn jos­parlaýǵa, sondaı-aq jumys pen qosalqy bólshekter úshin qarajatqa qajettilikti boljaýǵa múmkindik beredi. Kásiporynnyń taǵy bir mańyzdy jobasy «Power Map QA ónimderdiń sapasyn basqarý» dep atalady. Bul júıe ónim sapasyn arttyrýǵa baǵyttalǵan. О́nimniń barlyq sıklynda, ıaǵnı jetkizýden bastap, óndirilip shyǵarǵanǵa deıin materıaldyń sapasyn baqylaýǵa múm­kindik beredi.

«Karlskrona» mashına jasaý zaýytynda 3 joba paıdalanýǵa berilip úlgeripti. Klıenttermen ózara qarym-qatynasty basqarý júıesi (CRM) – tutynýshylarmen jumys isteýde biryńǵaı sıfrly ekojúıe qurý, satý, marketıng jáne klıenttik qyzmet kórsetý salalarynda ashyqtyqty arttyrady.  Budan bólek, óndiris oshaǵynda ónimdi modeldeýdiń 3D júıesi engizilgen. Atalǵan júıe aldyn ala jasalǵan syzbaǵa nemese eskızge sáıkes nysannyń úsh ólshemdi modelin qurýǵa arnalǵan baǵdarlamalyq jasaqtamany qoldanýǵa múmkindik beredi. Qajetti lısenzııalyq baǵdarlamalyq qamtý, modýlder men komponentter satyp alynyp, qyzmetkerler ProCAST júıesin qoldanýǵa oqytyldy. Búgingi tańda júıe kásiporynda sátti ju­mys istep tur.

«Altynalmas» AK» AQ  altyn óndirý kompanııasy «Sıfrlyq kenish» dep atalatyn jobasy aıasynda 12 jobany iske asyrýda. Mysaly, Wencomine taý-ken jabdyǵyn basqarý júıesi «Aqtoǵaı» jobasynda ashyq taý-ken jumystaryn dıspetcherleý naqty ýaqyt rejiminde qyzmetkerlerdiń jumys ýaqyty men turyp qalýyna monıtorıng júrgizýge, tıeý pýnktteri boıynsha avtosamosvaldardy ońtaıly bólýge, turyp qalýyn qysqartýǵa, sondaı-aq qyzmetkerler men tehnıkanyń negizgi kórsetkishterine (KPI) jan-jaqty taldaý men baǵalaý júrgizýge jaǵdaı jasaıdy. Sonymen qatar ortalyq qoımada shtrıhkodtaý júıesi engizilgen. MS Dynamics Axapta (kásiporyn resýrstaryn basqarý júıesi) baǵdarlamalyq sheshimine negizdelgen qoımada shtrıhkodtaý júıesin qoldanady. Bul naqty ýaqyt rejiminde ortalyq qoıma jumysyn baqylaýǵa jol ashady. 

Sıfrlandyrý jumystaryn iske asyrý áleý­mettik turǵydan da tıimdi bolyp otyr. Máselen, «Aqbaqaı» jáne «Aq­toǵaıda» uıymdastyrylǵan ınfraqu­ry­lym sheńberinde «Altynalmas AK» AQ jaqyn mańdaǵy eldi mekenderdi ǵalamtor jelisimen qamtamasyz etken. Bul pandemııa kezeńinde qashyqtan bilim berýge qıyndyqsyz kóshýge jáne jalpy ómir súrý sapasyn arttyrýǵa alǵyshart bola ala­dy. Jobaǵa qatysýshylar aldaǵy ýa­qytta óz salalarynan bólek, basqa baǵyt­tarda da sıfrly tehnologııalardy engizý­diń draıverlerine aınalady degen senim bar.