Tehnologııa • 16 Tamyz, 2021

Smartfon arqyly saýda jasaý qyzyp tur

96 ret kórsetildi

Mobıldi tólemder naryqtaǵy jańa trendke aınalyp kele jatyr. Bul qaýipsiz ári qolaıly. Bir jyl ishinde mobıldi telefon jáne ınternet arqyly jasalǵan tranzaksııalar 2,5 ese artypty.

 Bıyl qańtar-shilde araly­ǵynda qolma-qol aqshasyz ­ja­­salǵan tólemder 29,6 trln teń­­­­geni qu­raǵan. Bul ótken jyl­­­­dyń dál osy ke­zeńimen sa­lys­­­­tyrǵanda 2,4 ese kóp (12,4 trln teńge). Soń­ǵy bes jylda qolma-qol aqshasyz tó­lem kó­lemi orta eseppen jy­lyna 2,2 ese ósip otyrǵan. Bul óz ke­ze­ginde elimizdegi osy baǵyt­tyń qarqyndy damý jo­lyna tús­kenin baıqatady. Koro­na­vı­rýs pandemııasy jáne karan­tın shek­­teýleri prosestiń damý qar­qynyn jyldamdata tústi.

Álemdegideı Qazaqstanda ­da mobıldi tólemder telekom­mý­nıkasııa jáne qarjylyq tehnologııalar naryǵynyń basty trendine aınaldy. Elimizde jú­zege asyrylǵan qolma-qol aqsha­syz tólemderdiń 83 pa­ıyzy ­ınternet jáne mobıldi tele­fon arqyly tólengen. Bir jylda tran­zaksııa somasynyń 2,5 ese ósýi de – osyǵan dálel. Inter­netke qoljetimdiliktiń ar­týy ınternet jáne mobıldi qo­sym­sha arqyly iske asatyn qyz­metterdi odan ári tanymal ete tústi. Qazir elimizdegi barlyq operatordyń abonentteri óz qar­jysyn mobıldi telefon ar­qyly basqara alady. Ulttyq statıstıka bıýrosynyń málime­ti boıynsha, 2020 jyly ınternette tólem jasaý kezinde paıdalanýshylar­dyń 21,8 paıyzy mobıldi tólemderdi paıda­lan­ǵan. О́ńirlik bóliniske salar bolsaq, mobıldi tólem ja­saý deńgeıi Aqtóbe (48,5 pa­ıyz), Jambyl (32,7 paıyz) ob­lys­tarynda jáne Shymkent qa­la­synda (32,1 paıyz) asa jo­ǵary.

Finprom málimetinshe, mo­bıl­di tólemder úrdisinde Bee­line-nyń bási joǵary. Bıyl maý­sym aıynyń basynda mo­bıldi operator Simply mobıldi neo­bankin tanystyrǵan bola­tyn. Bul – mobıldi ámııan já­ne eldegi tuńǵysh Visa Plati­num. Simply mobıldi sıfrly tólem kartasy. О́z kezeginde bul karta barlyq operatordyń abo­nent­teri úshin qoljetim­di, eń bastysy – prosesterdi is­ke asyrý úshin bankke barý­dy talap etpeıdi. Al bul bank bólimshesine jetý qııa­met-qa­ıym bolyp sana­latyn eli­mizdiń shalǵaı aýdan­dary­nyń tur­ǵyndary úshin tamasha múm­kindik. Iаǵnı Simply – paıda­lanýshynyń telefon nómiri be­kitilgen mobıldi qo­­sym­sha arqyly barlyq ope­rasııa­ny júzege asyratyn neobank. Bul ret­te qosylý, jyl­dyq qyz­­­met kórsetý, ámııandy ashý jáne kartany alý tegin bol­maq. Al qarjy salý – barlyq paı­dalanýshy úshin paıyzsyz. Sonymen qatar qarjyny Simply ámııanyna aýdarý, Qazaqstanda shyǵarylǵan kez kelgen bank kartasyna aýdarym jasaý da komıssııasyz júzege asyrylady. Simply-dyń NFC tehnologııasymen jáne elimizde bar Apple Pay, Samsung Pay, Garmin Pay sııaqty sıfrly ámııandarmen ıntegrasııalanǵanyn da aıta ketý kerek.

Jalpy, otandyq bank sek­toryndaǵy 10 ekinshi deńgeıli bank jáne úzdik ondyqqa kiretin 5 bank qana Platinum deńgeıindegi kartany usyna alady. Kartany paıdalanǵany úshin jyldyq tólem jasaý árqaısysynda ár­­túrli. «Sberbankte» ol jylyna 50 myń teńgege deıin jet­se, «Eýrazııalyq bank» kartany tegin paıdalanýǵa beredi. Alaıda selt etkizer sharty bar: klıenttiń bankte 10 mln teńge kólemindegi depozıti bolýy tıis. Sondaı-aq barlyq bankte birdeı NFC-tólem múmkindigi joq nemese shekteýli ǵana. Máselen, «Eýrazııalyq bank» kartasynda Garmin Pay joq. Al Simply paıda bolǵaly ony 322 myń ret júktep alǵan. Bul osy ónimge degen suranystyń bar ekenin ańǵartady. Bul sózimizge onyń Google Play alańqaıyndaǵy «qarjy» kategorııasynda bar­lyq banktiń mobıldi qosym­shalaryn artqa tastaǵany da anyq dálel. Ekinshi orynda Kaspi.kz qosymshasy ornalassa, úshtikti Halyk Homebank qo­symshasy túıindeıdi.

2021 jyldyń shilde aıyn­daǵy jaǵdaı boıynsha elde ınternetke qoljetimdiligi bar 16 mln uıaly baılanys abonenti tirkelgen. Olardyń sany bir jyl­da 6,9 paıyzǵa ósken.

 

Sońǵy jańalyqtar

О́mir kúrdeli emes, kórkem!

О́ner • Búgin, 22:12

Aıtmatov eline saıahat

Tarıh • Búgin, 22:09

Náýen hazirettiń móri

Jádiger • Búgin, 22:06

Zańǵar bıikten kórindi

Tennıs • Búgin, 22:00

Qorjynda qos júlde

Sport • Búgin, 21:17

Mysyrda myqtylyq tanytty

Sport • Búgin, 21:17

Erteń eki oblysta tuman túsedi

Aýa raıy • Búgin, 20:36

Uqsas jańalyqtar