Qoǵam • 19 Tamyz, 2021

Áljýaz jandardy qoldaıtyn «Áreket»

74 ret kórsetildi

Sońǵy ýaqytta «áleýmettik kásipker» uǵymy paıda bolyp, sózdik qoldany­symyzǵa berik ornyǵa bastaǵandaı. Qazirde onyń jekelegen baǵyttary memlekettik jáne óńirlik baǵdarlamalar sheńberinde halyqtyń áleýmettik osal toptaryn kásipkerlik qyzmetke tartý arqyly qolǵa alynǵan.

Kásipkerlikti memlekettik qoldaý jáne qorǵaý departamentiniń basqarma basshysy Sholpansáýle Mombekovanyń aıtýynsha, qoldanystaǵy zańnama­ǵa tıisti ózgerister engizi­lip, onda al­ǵash ret áleýmettik másele­ler­di sheshýge ba­ǵyt­talǵan kásipkerlik sýbek­tilerine anyq­tama berilgen.

Soǵan sáıkes, áleýmettik kásipkerlik sýbektisi mártebesin alý úshin kásipker kelesi sharttardyń kem degende bireýin oryndaýy tıis eken: Kásiporyn qyzmet­ker­leriniń jalpy sanynyń keminde 50 paıyzyn áleýmettik osal sanat azamattary quraıtyn jumys oryndaryn qurý; halyqtyń osal toptaryna arnalǵan taýarlardy óndirýge, olardy ótkizýden túsetin tabys kásiporynnyń jalpy tabysynyń keminde 50 paıyzyn quraýy tıis; áleýmettik qyzmetterdi, sondaı-aq densaýlyq saqtaý, bilim berý jáne tárbıeleý, mádenıet jáne sport salasynda qyzmetter kórsetý.

Sonymen qatar halyqtyń áleýmet­tik osal toptarynyń salalyq tizbesi anyqtalyp, oǵan – barlyq toptaǵy múgedekter; kópbalaly jáne tolyq emes otbasylardan shyqqan eńbekke jaramdy azamattar; múgedek balany tárbıelep otyrǵan ata-analar; bas bostandyǵynan aıyrý oryndarynan bosatylǵandar; hımııalyq táýeldilikten emdelgen azamattar; zeınetaqy jáne zeınetkerlik jas aldyndaǵy adamdar engizilgen. «Áreket» jobasy iske qosylǵan úsh jyl ishinde 120-dan asa kommersııalyq emes uıym (KEU) áleýmettik kásipkerlikti damytýǵa granttar alypty.

– «Áreket» jobasy barysynda 360-tan asa KEU qatysýǵa ótinim berdi. Grant alýshylar jobalarynyń negizgi baǵyt­tary – halyqtyń áleýmettik osal top­tarynan adamdardy jumysqa orna­las­tyrý, erekshe qajettilikteri bar bala­lardy ońaltý jáne túzetý, ınklıý­zıvti bilim berý, sport, mektepke deıin­gi oqytý. Búgingi tańda áleýmettik kásip­kerliktiń memlekettik deńgeıde qoldaý taýyp jatqany qýantady. Úkimet bul salanyń el ekonomıkasynyń damýyna naqty paıda men úles qosa alatynyn, sonymen qatar qoǵamnyń áleýmettik problemalaryn sheshe alatynyn kórip otyr. Maýsym aıynda «Áleýmettik kásip­ker­lik týraly» zań qabyldandy, onda osy salany qoldaý boıynsha birqatar shara qarastyrylǵan. О́tken jyldardyń tá­jirıbesi bizdiń KEU áleýmettik kásip­kerlikti damytýǵa daıyn ekenin kórsetti. Tek sapaly málimetter bazasy men bastapqy kapıtaldy berý qajet. Osy eki mindetti bizdiń qor sheshedi, – deıdi Samruk-Kazyna Trust qorynyń resmı ókili Mıras Irgebaev.

Otandyq KEU-lar áleýmettik kásip­kerlikti damytý maqsatynda 3 mln teń­gege deıingi grant ala alady. Kásip­ker­ler «Áreket» jobasy aıasynda qa­ras­tyrylǵan arnaıy bilim berý baǵ­dar­lamasy aıasynda irikteýden ótip, biliktiligin arttyrýy kerek. О́tinimderdi qa­byldaý 23 tamyzda bastalyp 17 qyr­kúıekke deıin jalǵasady. Jobaǵa eli­mizdegi áleýmettik kásipkerlikti damyt­qysy keletin barlyq KEU qatysa alady.

– Joba úsh kezeńmen ótedi. Birinshisi – ótinimderdi jınaý, olardy durys toltyrý turǵysynan qaraý. Ekinshisi – qatysýshylardy «Inkýbator» jáne «Akselerator» baǵdarlamalary boıynsha oqytýdy kózdeıdi. «Inkýbator» – bul buryn «Áreket» jobasy aıasynda grant utyp almaǵan, áleýmettik kásipkerliktiń negizgi aspektilerin zerttep, nyǵaıtqysy keletin, sonyń ishinde naryqty taldaý, bıznes modelderdi qurý, PR, jobalardy zańgerlik súıemeldeý. «Akselerator» – bizdiń granttarymyzdy alǵan KEU-ǵa arnalǵan baǵdarlama. Olar úshin qar­jylyq model qurý, ónim dızaıny, satý­­dy jyljytý boıynsha oqytýdy kóz­­deıtin tereńirek baǵdarlama jasal­dy. «Akselerator» kórsetiletin qyz­met­­ter men taýarlardyń sapasyn jaq­sar­týǵa, áleýmettik kásipkerlik bo­ıynsha qol­danystaǵy jobalarǵa ja­ńa­laryn qosý­ǵa baǵyttalǵan. Oqytý alty apta boıy online formatta ótedi. Qazaq­stan­dyq jáne sheteldik sarapshylar bi­lim berip qana qoımaı, óz keısterimen bóli­­sedi, mentor bolady», dep atap ótti spıker.

 

Sońǵy jańalyqtar

5G: jelige qosylý jedeldigi

Tehnologııa • Búgin, 22:39

Kesteli shapan

Jádiger • Búgin, 22:34

Bir sýreti – bir álem

О́ner • Búgin, 22:26

Qyraýdan jazylǵan hat

Ádebıet • Búgin, 22:20

Chempıondar aýyldan shyǵady

Aımaqtar • Búgin, 22:18

О́mir kúrdeli emes, kórkem!

О́ner • Búgin, 22:12

Aıtmatov eline saıahat

О́ner • Búgin, 22:09

Náýen hazirettiń móri

Jádiger • Búgin, 22:06

Zańǵar bıikten kórindi

Tennıs • Búgin, 22:00

Qorjynda qos júlde

Sport • Búgin, 21:17

Mysyrda myqtylyq tanytty

Sport • Búgin, 21:17

Erteń eki oblysta tuman túsedi

Aýa raıy • Búgin, 20:36

Uqsas jańalyqtar