Saıası ekonomıka barlyq ekonomıkalyq ilimniń kúretamyry ispettes. Ol ózge ǵylymdarǵa tamyryn jaıdy, solarmen keregesin keńeıtti, olardyń árqaısysy ózindik damý sheńberin aıqyndady. Qazaqstandaǵy ekonomıkalyq baǵyttyń irgetasyn qalaýǵa atsalysqandardyń biri – ekonomıka ǵylymdarynyń doktory, professor Erjan Jatqanbaev.
Saıası ekonomıka barlyq ekonomıkalyq ilimniń kúretamyry ispettes. Ol ózge ǵylymdarǵa tamyryn jaıdy, solarmen keregesin keńeıtti, olardyń árqaısysy ózindik damý sheńberin aıqyndady. Qazaqstandaǵy ekonomıkalyq baǵyttyń irgetasyn qalaýǵa atsalysqandardyń biri – ekonomıka ǵylymdarynyń doktory, professor Erjan Jatqanbaev.
Erjan Baıǵojaulynyń ómir joly qasıetti qazaqtyń darqan dalasynyń birinde Besqaınar eldi mekeninde bastaý aldy. Soǵystan keıingi barlyq balalar sekildi, Erjan Baıǵojaulynyń da ómiri jeńil bolǵan joq. Alaıda, ata-ana qamqorlyǵynyń, óziniń mańdaı terimen kelgen etene eńbeginiń jemisinde Erjan Baıǵojauly M.V.Lomonosov atyndaǵy MMÝ ekonomıka fakýltetin oıdaǵydaı támamdap shyqty. Ol keńes dáýiriniń ǵalym-ekonomısteri A.Sagolov, V.V.Kýlıkov, N.V.Hessın, V.P.Shkredov jáne taǵy basqalardan tálim alý baqytyna ıe boldy.
Mine, jarty ǵasyr boıy, Erjan Baıǵojauly qazaqtyń bilimi men ǵylymyn damytýǵa adal ári ónimdi eńbek etip keledi. Ol Jambyl jeńil jáne taǵam ónerkásibi tehnologııalyq ınstıtýtynyń Almaty fılıalynan bastalatyn, keıin, QazKSR JOO mınıstrliginde pedagogıkalyq ári ǵylymı-tájirıbelik qyzmetinde jalǵasqan, S.M.Kırov atyndaǵy QazMÝ-de ulasqan, kandıdattyq jáne doktorlyq dıssertasııa qorǵaý syndy kúrmeýi kóp qıyn-qystaý qyzmet baspaldaǵynan ótti. Tereń bilimi jáne adamı qundylyqtarynyń sarqylmas keni ol kisini basshylyqtyń tórine bastady. Ýnıversıtettiń jetekshi bólimderin basqardy. QazUÝ ekonomıka jáne áleýmettaný fakýltetiniń, halyqaralyq qatynastar fakýltetiniń dekany da boldy, halyqaralyq baılanystar jónindegi prorektor qyzmetin de atqardy.
Erjan Baıǵojauly zamanaýı ekonomıkalyq bilim berýdiń jańasha júıesi týyndaǵan shaqta qyzmet etti, jańasha tásilder men oqý ádisterin engizip, oqýshylarynyń jáne áriptesteriniń turaqty ózindik jetilýine, derbes damýyna qoldaý tanyta bildi. Jas mamandarǵa erekshe qoldaý kórsetti, biliktiligin arttyrýǵa, shetelde tájirıbe almasýǵa stýdentterge sondaı-aq, oqytýshylarǵa qolynan kelgenshe qamqor bola bildi. Ákimshilik jumysbastylyqqa qaramastan, Erjan Baıǵojauly stýdentterge arnap, qazaq, orys, aǵylshyn tilderinde kánigi ǵylymı jumystar, monografııalar, oqý jáne ádistemelik quraldar jazdy.
Erekshe daryndy uıymdastyrýshylyq qabiletine, úlken tájirıbelik qyzmetine, jınaqtalǵan oı qazynasyna oraı Erjan Baıǵojauly joǵary kásibılikti mamandardy jáne ǵylymı qyzmetkerlerdi ekonomıka salasyna daıyndady, onyń basshylyǵymen, ekonomıka ǵylymy boıynsha 40 kandıdattyq jáne doktorlyq dıssertasııa, úsh PhD (fılosofııa doktory) doktorlyq dıssertasııasy qorǵaldy.
Erjan Baıǵojauly bizdiń júregimizge úmit ushqynyn uıalata bildi. Biz onyń shákirtterimiz, biz úshin bul asqan baqyt. Qazaqstannyń zııaly urpaǵyn qalyptastyrýda, endi biz ol kisimen birge bilim baspaldaǵymen birge kóterilip, sananyń satysynan shyńǵa bastar jolda birge jetilip kelemiz.
Osy jyly bizdiń qurmetti de súıikti ustazymyz jetpistiń bıigin eńserdi. Erjan Baıǵojaulyna kóptegen ystyq yqylas pen alǵys aıtqymyz keledi, densaýlyq, baqyt, shyǵarmashylyq kúsh-jiger, júrektiń jastyǵyn tilegimiz keledi.
Raýshan DÝLAMBAEVA,
ekonomıka ǵylymdarynyń doktory, professor.
Ilııas QULIEV,
dosent.
ALMATY.
