Prezıdentke transformator óndirisiniń tehnologııalyq jelisi kórsetilip, kásiporyn qyzmetkerlerine kórsetilip jatqan áleýmettik qoldaý sharalary men óndiristi odan ári keńeıtý josparlary aıtyldy.
«Alageum Electric» zaýytynyń qurylysyna 10 mıllıard teńge ınvestısııa salynǵan. Jobalyq qýaty boıynsha kásiporyn jylyna 13 myń transformator shyǵarady dep josparlanǵan. Shyǵarylatyn ónimniń 98%-y TMD elderine eksporttalady.
Kásiporyn jumysshylary, sonyń ishinde ońtústik óńirden kóship kelýshiler jeńildikpen turǵyn úı alý múmkindigine ıe. Tálimgerlerge oqýǵa jáne jumysqa ornalasýǵa jaǵdaı jasalady.
Kezdesýdi qorytyndylaı kele, Qasym-Jomart Toqaev eńbek ujymymen áńgimelesti. Prezıdent kásiporynnyń jumysy men onyń eksporttyq áleýetine joǵary baǵa berdi. Ol zaýyttyń tabysty damı beretinine senim bildirip, otandyq ónim óndirýshilerge Úkimet tarapynan jan-jaqty kómek kórsetiletinin aıtty.
