Murat Baımuqashev IIM basshylyǵynyń, ishki ister organdary jeke quramynyń atynan qyzmettik mindetterin atqarý kezinde qaza tapqan polıseılerdiń týystary men jaqyndaryna kóńil aıtty.
Ishki ister mınıstriniń ótinishi boıynsha Almaty qalasynyń ákimdigi qaza tapqan polısııa qyzmetkerleriniń otbasylaryna turǵyn úı bóledi. Sonymen qatar Ishki ister mınıstriniń buıryǵymen qaıtys bolǵan ýchaskelik ınspektorlarǵa «Quqyq tártibin qamtamasyz etýge qosqan úlesi úshin» medaldarymen marapattaldy.
Alataý aýdandyq PB JPQ ýchaskelik ınspektory, polısııa maıory Darhan Súleev 1982 jyly týǵan, Ishki ister organdarynda 2003 jyldan beri qyzmet etken. QR IIM Almaty akademııasynyń magıstratýrasyn bitirgennen keıin 2021 jyldyń tamyz aıynda ýchaskelik ınspektor laýazymyna taǵaıyndaldy. IIO-da qyzmet etken jyldary 6 ret kótermelendi, onyń ishinde 3-dárejeli «Ishki ister organdaryndaǵy minsiz qyzmeti úshin» medalimen, sondaı-aq «Qazaqstan polısııasyna 25 jyl» tósbelgisimen marapattaldy. Úılengen, kámeletke tolmaǵan bes balasy bar.
Alataý aýdandyq PB JPQ ýchaskelik ınspektory, polısııa kapıtany Nurbol Baıǵazıev 1988 jyly týǵan, Ishki ister organdarynda 2014 jyldan beri qyzmet etip kelgen. 13 ret marapattalǵan, onyń ishinde «Úzdik qutqarýshy jaýynger» jáne «Qazaqstan polısııasyna 25 jyl» tósbelgilerimen marapattalǵan. Úılengen, kámeletke tolmaǵan eki balasy bar.
