«Tiri bolsam, qazaqqa qyzmet qylmaı qoımaımyn», dep basyn báıgege tikken babamyz dál búgin, 27 qyrkúıek kúni dúnıeden ótken.
Eskertkish aýyldaǵy mádenıet úıiniń aldyna ornatylǵan. Bıiktigi tuǵyrymen qosa eseptegende 3 metrden asady. Qoladan quıylǵan, avtory – Qazaqstan sýretshiler odaǵynyń múshesi Beıbit Mustafın. Rýhanı taǵylymy mol isti júzege asyrýǵa aýyl azamattary demeýshilik kórsetken. Saltanatty ashylý rásiminen keıin ǵylymı-tájirıbelik konferensııa ótip, «Álıhan – Alash Aqsorańy» kitabynyń tusaýy kesildi.
Onda ǵalymdardyń, tarıhshylardyń «Alash» ıdeıasy jaıly eńbekteri toptastyrylǵan. Aıta ketý kerek, bıyl týǵanyna 155 jyl tolǵan ultymyzdyń uly tulǵasy dál osy Shabanbaı bı aýyly mańynda dúnıege kelgen.
«Álıhan Bókeıhanov qazaq ultynyń búkil myń jyl burynǵy, keıingi kúres kúnderindegi ótken-ketken tarıhyn taldap, tujyrymdap, birtutas «Alash» ıdeıasyn kiriktirip bergen tulǵa. О́ziniń týǵan jerinde tuǵyrǵa kóterilgen eskertkish sol urpaqtardyń Álekeńdi túsine bastaǵanynyń, rýhynyń sińe bastaǵanynyń kepili», deıdi fılologııa ǵylymdarynyń doktory, alashtanýshy Tursyn Jurtbaı.
