Ekaterına II-niń tusyndaǵy kóne tıyndy balyqshylar taýyp alǵan. Zeınetker Jumahan Tamabekov Sarysý ózeniniń boıynda jaýynqurt qazyp jatqan kezde baıqap qalady. Mystan quıylǵan bes tıyn 1766 jyly jasalypty. Úsh ǵasyrǵa jýyq jer astynda jatqan tıynnyń beti azdap shirigen. Degenmen, sýreti men jazýy saqtalypty. Zeınetker jádigerdi mýzeıge ákelip tapsyrdy.
«1762 jyldan bastap 1796 jylǵa deıin Reseıde senattyń sheshimi boıynsha Ekaterına Ekinshi osyndaı mys monetalar daıyndata bastady. Bular mıllıonnan artyq. Bul monetanyń sol kezeńdegi quny 5 tıyn ǵana. Kóp qymbat turmaıdy. Biraq ta bul jádigerdiń eń basty qundylyǵy Sarysý ózeni boıynda úlken kósh kerýen jolynyń bolǵandyǵyn dáleldeıdi», deıdi tarıhshy Temirǵalı Arshabekov.
