Álem • 26 Qazan, 2021

Italııa bıligi shekarasyn qaıta japty

586 ret

kórsetildi

1 mın

oqý úshin

Italııa bıligi koronavırýstyq ınfeksııa qaýpi bar eldermen syrtqy shekarany jaýyp jatyr. Búginnen bastap Albanııadan kelgen azamattar úshin elge kirý 15 jeltoqsanǵa deıin toqtatylady. Bul týraly Covid-19 taralýyna jol bermeý jónindegi VAK habarlady, dep jazady Egemen.kz.

Oljas SÁNDIBEK

Bul Balqan elindegi epıdemıologııalyq jaǵdaıdyń nasharlaýyna baılanysty. Italııaǵa Albanııadan kirý tek úıge oralǵan ıtalıandyqtar úshin, sondaı-aq jumysqa, oqýǵa, emdelýge jáne shuǵyl sebeptermen baratyndar úshin múmkin bolady. Albanııada koronavırýstyq ınfeksııanyń jańa jaǵdaılarynyń sany kórshi elderge qaraǵanda edáýir kóp. Bir táýlik ishinde 264 covid-19 tasymaldaýshysy anyqtaldy.

Armenııada epıdemıologııalyq jaǵdaıdyń shıelenisýine baılanysty búginnen bastap jańa karantındik sharalar engizilýde. Mektepterdegi demalys uzarady, JOO men OOO qashyqtyqtan oqytý rejımine kóshedi. Bul sheshim Densaýlyq saqtaý mınıstrliginiń usynysy boıynsha qabyldandy. Shekteýlerdiń qoldanylý merzimi 15 qarashaǵa deıin sozylady.

Eldiń densaýlyq saqtaý mınıstrligi oqý oryndarynyń basshylaryn osy ýaqytqa deıin qyzmetkerlerdi jumysqa shaqyrmaýdy usyndy. О́tken 24 saǵat ishinde COVID-19 juqtyrýdyń 1184 jańa jaǵdaıy tirkeldi, nátıjesinde olardyń jalpy sany 296 552 adamǵa jetti.