Qaýlyǵa sáıkes buqaralyq is-sharalarǵa, marafondar, sporttyq, otbasylyq, eske alý is-sharalardy qosa alǵanda, onyń ishinde úıde ótkizýge jáne olarǵa qatysýǵa, Ashyq jobasyna qatysatyn is-sharalardy ótkizýdi qospaǵanda, mıtıngiler, sherýler, jıyndar uıymdastyrýǵa jáne qatysýǵa tyıym salynǵan.
Qyzmetine tyıym salynǵan boýlıng-ortalyqtarǵa, kompıýter klýbtaryna, PlayStation klýbtaryna, bılıard, karaoke, sırk, batýt, túngi klýb, býkmekerlik keńselerge jáne oıyn klýbtaryna barýǵa bolmaıdy. Sondaı-aq jabyq úı-jaılardaǵy balalardyń oıyn-saýyq ortalyqtaryna, balalardyń oıyn bólmelerine, oıyn alańdary men attraksıondaryna barýǵa ruqsat berilmegen.
Ashyq jobasyna qatysatyn kásipkerlik obektilerge kirý úshin Ashyq mobıldi qosymshasyn, onyń ishinde basqa da platformalar arqyly (mysaly EGOV mobile, Aitu platformasyndaǵy analogy, Kaspi.kz, Halyk Bank, Sberbank.kz, Alfa-Bank) paıdalaný qajet.
«Qoǵamdyq oryndarǵa, onyń ishinde qoǵamdyq kólikterge, qyzmetine ruqsat etilgen obektilerge barǵan kezde, sondaı-aq qoǵamdyq oryndarda ashyq aýada bolǵan kezde medısınalyq betperde taǵyp, araqashyqtyqty saqtaý jáne antıseptıkterdi paıdalaný jónindegi talaptardy qatań saqtaý qajet», delingen qaýlyda.
Sondaı-aq Qazaqstannyń bas memlekettik sanıtarlyq dárigeri bekitken erejege sáıkes, kásiporyn, uıym jáne kásipkerlik sýbektilerinde koronavırýsqa qarsy vaksına almaǵan (turaqty medısınalyq qarsy kórsetilimderi bar adamdardy jáne keıingi úsh aıda COVID-19 ınfeksııasymen aýyryp jazylǵan adamdardy qospaǵanda) qyzmetkerlerdiń jumysqa shyǵýyna shekteý qoıylǵan.
Qaýly ekinshi qarashadan bastap kúshine endi.
Aıta keteri, buǵan deıin Almatynyń bas sanıtar dárigeriniń qalada karantın talaptaryn jeńildetý týraly qaýlysy shyqty. Alaıda dárigerler Qazaqstannyń Bas memlekettik sanıtar dárigeriniń №47 qaýlysyn basshylyqqa alýdy uıǵardy.
