Fınaldyq jekpe-jektegi qazaq boksshylarynyń qarsylastary anyqtaldy. 48 keli salmaq dárejesindegi oǵlanymyz Temirtas Júsipov Taıland boksshysy Výttıchaı Iýrachaımen judyryqtasady. Álem chempıonatynda jasyndaı jarqyraǵan tájirıbeli boksshy bul kezdesýde qalaıda jeńiske jetýi tıis.
51 keli salmaqtaǵy Sáken Bıbosynov AQSh óreni Rosko Hıllmen qolǵap túıistiredi. Stıl jaǵynan bir birine uqsas boksshylardyń jekpe-jegi tartysty ótedi dep oılaımyz. «Álem chempıonatyna altyn alýǵa keldim» degen Bıbosynov sózinde tursa deımiz.
54 keli salmaqtaǵy álem chempıonatynyń jańalyǵy, ǵajap boksshy Mahmud Sabyrhannyń altyn medal alatyndyǵyna bek senimdimiz. Ol japon boksshysy Tomoıa Sýboımen kezdesedi.
57 keli salmaqtaǵy Serik Temirjanov osy álem chempıonatynda talaıǵa tańdaı qaqtyryp jatyr. Jeńisti joryǵyn jalǵastyrsa degen tilektemiz.
Jalpy tórt boksshymyzdyń da qarsylasy asa bir keremet boksshylar emes. Altyn júlde alýǵa báriniń múmkindigi bar.
