Koronavırýs • 12 Qarasha, 2021

SQO-da epıdahýal jaqsarmaı tur

44 ret kórsetildi

Soltústik Qazaqstan oblysynda ótken táýlikte 161 adam koronavırýsty juqtyrdy. О́ńir qaýipti ınfeksııanyń taralýy boıynsha elimizde kósh bastaǵan, dep habarlaıdy Egemen.kz.

О́ńirlik kommýnıkasııalar qyzmetinde SQO-da koronavırýstyq ınfeksııanyń taralýy jáne vaksınasııa barysy boıynsha aǵymdaǵy jaǵdaı týraly brıfıng ótti. Sanıtarııalyq-epıdemıologııalyq baqylaý departamenti basshysy Áset Jumataevtyń aıtýynsha, ótken táýlikte KVI juqtyrýdyń 161 jaǵdaıy tirkeldi, onyń ishinde 154-i, 95 %-ynda aýrý belgileri bolǵan.

Sonyń ishinde Petropavldyń – 76, Qyzyljarda – 22, M.Jumabaevta – 14, Taıynshada – 11, Jambylda – 10, Esilde – 7, Aqqaıyńda – 6, Mamlıýtte – 5, Ýálıhanovta – 4, Tımırıazev aýdanynda – 3, Aqjar aýdanynda – 2, Ǵ.Músirepov atyndaǵy aýdanda 1 adam koronavırýs juqtyrǵan.

«Sońǵy 2 aptada oblysta 2143 jaǵdaı tirkeldi. Aýrýshańdyq aldyndaǵy eki aptamen salystyrǵanda 2071-den 2143-ke artqan. Sonyń ishinde Petropavlda aýyrý 1,4 esege, 666-dan 953-ke deıin ósti», deıdi Áset Jumataev.

Jaqynda óńirde 12 jáne odan joǵary jastaǵy jasóspirimderge, júktiliktiń 16-dan 37 aptasyna deıingi aralyqtaǵy júkti áıelderge, bala emizetin áıelderge ekpe egý bastalady. Pfizer kompanııasynyń «Komırnatı» vaksınasy jasóspirimderdi koronavırýsqa qarsy ımmýndaý úshin qoldanylady. Vaksına quramynda ımmýndyq qorǵanysty damytatyn vırýs joq jáne KVI ınfeksııasyn týdyrmaıdy.

«Bastapqy kezeńde KVI-ǵa qarsy profılaktıkalyq egýler 16 men 18 jas aralyǵyndaǵy jasóspirimderden bastalady. Odan keıin kezekpen basqa jas toptaryndaǵy jasóspirimder - 15, 14, 13 jáne 12 jas - kezekpen egiledi. Qazaqstanda jasóspirimderdi egý erikti túrde jáne olardyń ata-analary men zańdy ókilderiniń kelisimimen ǵana júrgiziledi», deıdi oblystyń bas sanıtar dárigeri.

SQO 2 qazannan beri «qyzyl» aımaqta. Búginde koronavırýsty juqtyrýdan elimizde birinshi orynda keledi. Ekinshi orynda 146 jaǵdaımen Almaty qalasy, úshinshi orynda 135 kórsetkishpen Qaraǵandy oblysy tur. Jalpy pandemııa bastalǵaly SQO-da 30,5 myń adam qaýipti ınfeksııany juqtyrdy.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar