«2020 jyldyń qorytyndysy boıynsha kómirsýtek shıkizaty jáne ýran óndirý salasyndaǵy jer qoınaýyn paıdalanýshylardyń taýarlardy, jumystar men kórsetiletin qyzmetterdi satyp alýynyń jalpy kólemi shamamen 5,4 trln teńgeni qurady. Bul rette osy satyp alýlardaǵy jergilikti qamtý úlesi 46% boldy.
Onyń ishinde taýarlardy satyp alýdaǵy jergilikti qamtý 19,7% qurasa, jumystardy satyp alý kórsetkishi 51,3%-ǵa teń. Qyzmetterdi satyp alýda jergilikti qamtý deńgeıi 50,3%-dy qurady», dedi mınıstr.
Onyń aıtýynsha, jer qoınaýyn paıdalanýshylar 2021 jyly 6,8 trln teńgeniń taýary men qyzmetterin satyp alýdy kózdegen.
«Mundaǵy jergilikti qamtý úlesiniń boljamdy kórsetkishi – 46,5% nemese 3,1 trln teńge. Taýarlar boıynsha jergilikti qamtýdyń úlesi 19,5%, al jumystar boıynsha 51,3% bolady dep kútilýde. Qyzmetterdi satyp alýdaǵy jergilikti qamtý 52,3% kórsetkishinde boljanady.
Taýarlardy, jumystar men kórsetiletin qyzmetterdi satyp alý kóleminiń shamamen 77%-y úsh iri operatorǵa tıesili. Olar – «Teńizshevroıl» JShS, «Qarashyǵanaq Petroleým Opereıtıng B.V.» jáne «Nort Kaspıan Opereıtıng N.V.». Satyp alýdyń qalǵan 13%-y «Samuryq-Qazyna» kompanııalar tobynyń jáne 10%-y basqa da jer qoınaýyn paıdalanýshylardyń úlesinde», dedi Maǵzum Myrzaǵalıev.
