Vedomstvo taratqan aqparatqa qaraǵanda, barlyq esep aıyrysýlardy Biryńǵaı jınaqtaýshy zeınetaqy qory júrgizdi. «Qazaqstan Respýblıkasynda zeınetaqymen qamsyzdandyrý týraly» Zańǵa sáıkes jetkiliktilik shegi – belgili bir jastaǵy salymshy úshin zeınetaqy jınaqtarynyń eń tómengi qajetti somasy, ol BJZQ-ǵa turaqty 10% jarnalardy eskere otyryp, bolashaqta ony eń tómengi zeınetaqy mólsherinen tómen emes mólsherde zeınetaqy tólemderimen qamtamasyz etýge múmkindik beredi.
Joǵaryda atalǵan kórsetkishterdiń kez kelgenin ózgertý avtomatty túrde jetkiliktilik shegin qaıta esepteýge alyp keletinin atap ótý qajet. Osyǵan baılanysty Eńbekmıni ádisteme bekitilgenge deıin jetkiliktilik shegi jyl saıyn qaıta esepteletini týraly birneshe ret (2020 jylǵy qyrkúıekten jeltoqsanǵa deıingi kezeńde) habarlady.
«Qazaqstan Respýblıkasynda zeınetaqymen qamsyzdandyrý týraly» zańǵa sáıkes zeınetaqy júıesiniń jınaqtaýshy segmentinde saıasatty iske asyrýdy, onyń ishinde joǵaryda kórsetilgen ádisteme negizinde jetkiliktilik shegin esepteýdi biryńǵaı operator BJZQ atynan júzege asyrady. Sondaı-aq, zań júzinde BJZQ-nyń óz qyzmeti týraly konsýltatıvtik jáne túsindirý jumystaryn júzege asyrý mindeti tikeleı kózdeledi», delingen habarlamada.
Tıisinshe, Eńbek mınıstrligi quzyretke ıe emes, sondaı-aq onyń BJZQ esepteıtin eń tómengi jetkiliktilik shekteriniń anyqtyǵyn qandaı da bir rastaýǵa múmkindik beretin málimetteri bolmaıdy.
