Aımaqtar • 13 Jeltoqsan, 2021

Atyraý polıseıleri sýǵa batyp bara jatqan jasóspirimdi qutqaryp qaldy

263 ret kórsetildi

Oblystyq polısııa departamenti baspasóz qyzmetiniń málimetinshe, jasóspirim keshe, 12 jeltoqsan kúni 22:20 shamasynda kópirden sekirgen,  dep habarlaıdy Egemen.kz.

«Polısııanyń kezekshi bólimine Atyraý qalasyndaǵy «Atyraý» shaǵyn aýdanynda ornalasqan kópirden belgisiz adamnyń sekirip ketkeni týraly habar tústi. Oqıǵa ornyna barǵan patrýldik polısııa batalonynyń qyzmetkerleripolısııa aǵa leıtenanty Isataı Tursynǵalıev pen polısııa serjanty Ǵalym Qalbaev sý ústine jaryq túsirý arqyly batyp bara jatqan qyz balany baıqaǵan. Ýaqyttyń tyǵyzdyǵyn sezgen tártip saqshylary birden qutqarýǵa kirisken. Arqandy beline baılaǵan polısııa serjanty Ǵalym Qalbaev qyz balaǵa qaraı baǵyt alyp júzgen. Polısııa aǵa leıtenanty Isataı Tursynǵalıev kómekke kelgen áriptesteri polısııa aǵa leıtenanty Mahambet Qabasov pen polısııa leıtenanty Quralbek Qalmaǵanbetovke arqandy ustatyp, Ǵalym Qalbaevtyń artynan júze bastaǵan. Tártip saqshylary qyz balany 20 mınýt shamasynda jaǵaǵa alyp shyqty. Es-tússiz jatqan qyzǵa jasandy tynys alý jattyǵýyn jasaǵan. Tirshilik belgisi bolǵanymen, jasóspirim denesi qatty salqynnan álsirep qalǵan. Sondyqtan, jasóspirimdi qyzmettik kólikpen №5 emhanaǵa jetkizgen» dep habarlady departamenttiń baspasóz qyzmeti.

Dárigerler 2007 jylǵy jasóspirimge dereý kómek kórsetti. Aıazdy kúni salqyn sýda júzip, jasóspirimdi ajaldan arashalaǵan tártip saqshylarynyń da densaýlyǵy tekserildi.

«Oılanatyn ýaqyt bolmady. Bar oıym batyp bara jatqan qyzdy qutqarý boldy» deıdi polısııa serjanty Ǵalym Qalbaev.

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar