Vıse-Premer elimizdiń densaýlyq saqtaý salasyndaǵy damý nátıjeleri men jetistikterin baıandaı kele, Qazaqstan osy saladaǵy yntymaqtastyqqa jáne О́zbekstannyń densaýlyq saqtaý júıesin damytýǵa kómek pen qoldaý kórsetýge daıyn ekenin habarlady. Bizdiń medısına salasyndaǵy joǵary bilikti mamandarymyz halyqtyń densaýlyǵyn qamtamasyz etýge qatysty barlyq aspektiler boıynsha tájirıbe men bilimmen bólise alady.
E.Toǵjanov delegasııa múshelerin QazVac koronavırýs ınfeksııasyna qarsy otandyq preparattyń óndirisimen jáne tıimdiligimen tanystyra otyryp, búgingi kúni vaksınalar pasporttaryn ózara taný jónindegi jumysty jandandyrý qajettigi týraly mańyzdy máseleni kóterdi.
Bul Qazaqstan men О́zbekstan azamattarynyń kedergisiz júrip-turýyn qamtamasyz etip, elder arasyndaǵy iskerlik baılanystardy jandandyrýǵa múmkindik beredi. О́z kezeginde Behzod Mýsaev yntymaqtastyq úshin rızashylyǵyn bildirip, О́zbekstannyń memlekettik-jeke menshik áriptestik aıasynda medısına salasynda júzege asyrylǵan bizdiń elimizdiń jobalaryna úlken qyzyǵýshylyǵy bar ekenin habarlady.
E.Toǵjanov qazaqstandyq mamandar medısınadaǵy IT-tehnologııalar, jedel járdem jumysyn uıymdastyrý, alǵashqy medısınalyq-sanıtarııalyq kómek jáne medısına ǵylymyn ilgeriletý máselelerinde konsýltatıvtik jáne tehnıkalyq kómek kórsetýge daıyn ekenin jetkizdi.
