Almaty qalalyq IID qyzmetkerleri Qarasaı batyr – Masanchı kóshelerin tazalaý úshin alǵa jyljyǵany habarlandy.
– Tártip buzýshylardy ustaý sharalary júrgizilip jatyr. Barlyǵy eki myńǵa jýyq adam polısııaǵa jetkizildi, - delingen habarlamada.
6 qańtardaǵy jaǵdaı boıynsha Qostanaı oblysynda jaǵdaı turaqty. Qoǵamdyq tártip túnde qalpyna keltirildi.
– Bir top adamnyń zańsyz áreketi saldarynan bir polısııa qyzmetkeri zardap shekti. Oqıǵa ornyn tekserý barysynda janǵysh qospasy bar bótelke tárkilendi, sonymen qatar bir azamattan travmatıkalyq tapansha alyndy, - delingen baspasóz habarlamasynda.
Qyzylordada tártipsizdikten keıin qala ǵımarattarynyń terezeleri men esikteri synǵan.
– Ishki ister organdarynyń qyzmetkerleri qoǵamdyq tártipti tıisinshe qorǵap jáne azamattardyń qaýipsizdigin qamtamasyz etýde, – dep tolyqtyrdy IIM.
