Qazaqstan • 25 Qańtar, 2022

Prezıdenttiń synynan keıin QDB basshysy qyzmetinen bosady

233 ret kórsetildi

«Qazaqstannyń damý banki» AQ basshysy Abaı Sarqulovtyń ókilettigi toqtatyldy, dep habarlaıdy Egemen.kz.

«Jalǵyz aksıonerdiń («Báıterek» UBH» AQ) 24.01.2022 jylǵy sheshimimen Abaı Sarqulovtyń «Qazaqstannyń damý banki» AQ (budan ári – QDB, Bank) basqarma tóraǵasy jáne dırektorlar keńesiniń múshesi retindegi ókilettigi merziminen buryn toqtatyldy. 25.01.2022 jyldan bastap QDB basshysynyń mindetin atqarýshy bolyp buǵan deıin Bank basqarmasy tóraǵasynyń orynbasary qyzmetin atqarǵan Sandýǵash Kenjebaeva taǵaıyndaldy», dep jazylǵan habarlamada.

Eske salaıyq, 11 qańtarda Memleket basshysy Qasym-Jomart Toqaev «Qazaqstannyń damý banki» synǵa alǵan bolatyn.

«QDB belgili bir adamdarǵa qyzmet kórsetetin jeke menshik bankke aınaldy. Olar qarjy-óndiristik jáne qurylys toptarynyń atynan shyǵyp jatady. Biz árbireýiniń aty-jónin bilemiz», dedi Prezıdent sol kezde.

Sońǵy jańalyqtar

Uqsas jańalyqtar