1991 jyly 25 qazanda Qazaqstan Prezıdentiniń Jarlyǵymen Qazaq SSR Memlekettik qorǵanys komıteti jasaqtaldy. Keıin ol Qazaqstan Respýblıkasynyń Qorǵanys mınıstrligi bolyp qaıta quryldy.
1992 jyldyń 7 mamyrynda QR Prezıdenti bolǵan Nursultan Nazarbaevtyń arnaıy Jarlyǵy shyqty. Bul Jarlyq boıynsha, respýblıka aýmaǵyndaǵy KSRO Qarýly Kúshteriniń quramyndaǵy mekemeler, bólimder, quramalar Qazaqstan Respýblıkasynyń quzyretine berildi. Joǵarǵy Bas Qolbasshy retinde Qarýly kúshterdi basqarýdy Prezıdent óz moınyna aldy. Prezıdentten basqa qorǵanys isimen tikeleı shuǵyldanatyn alǵashqy Qorǵanys mınıstri qyzmetine general-polkovnık Saǵadat Nurmaǵambetov taǵaıyndaldy.
7 mamyr Qazaqstanda merekelik demalys kúni bolyp sanalady. Mereke qarsańynda Joǵarǵy Bas Qolbasshy Qasym-Jomart Toqaev kezekti áskerı shender berý týraly Jarlyqqa qol qoıyp, erekshi kózge túsken áskerı qyzmetkerlerdi marapattaıdy.
Bıyl da Memleket basshysy birqatar áskerı qyzmetkerge joǵary áskerı jáne arnaýly ataqtar, synyptyq shender jáne biliktilik synyptaryn berip, ekinshi dúnıejúzilik soǵysta eren erlik kórsetip qaza tapqan úsh maıdangerge elimizdiń joǵary dárejeli erekshelik belgisi – «Halyq qaharmany» ataǵyn berip, aıryqsha erekshelik belgisi – Altyn juldyz ben «Otan» ordenderin jaqyn týystaryna tapsyrdy.
