Ekonomıka • 20 Mamyr, 2022

Byltyr 3 iri munaı operatory bıýdjetke 7,5 mlrd dollar tikeleı tólem jasady

24 ret kórsetildi

2021 jyly Teńiz, Qashaǵan, Qarashyǵanaq ken oryndarynyń operatorlary memleket bıýdjetine 7,5 mlrd dollar tikeleı tólem jasady. Bul jaıynda Premer-Mınıstr Álıhan Smaıylovtyń Májilis depýtattarynyń saýalyna bergen jaýabynda aıtylǵan, dep habarlaıdy  Egemen.kz.  

«2021 jyly 3 iri operatordyń qyzmetinen memlekettik bıýdjetke jalpy tikeleı tólem kólemi 7,5 mlrd dollardan asyp tústi», delingen Úkimet basshysynyń jaýabynda.

Premer-Mınıstrdiń dereginshe, «Teńizshevroıl» kompanııasy elimizdiń bıýdjetine 4,5 mlrd dollar tóledi.

Respýblıka Qarashyǵanaq jobasynan 2,6 mlrd dollar aldy. Onyń ishinde profıt-oıl (ınvestordyń kirisin qalyptastyratyn jáne respýblıka bıýdjetine ketetin munaıdyń bóligi) túrindegi 1,98 mlrd dollar - Ulttyq qorǵa, jáne salyq túrinde 0,65 mlrd dollar - jergilikti jáne respýblıkalyq bıýdjetke aýdaryldy.

Al Soltústik Kaspıı jobasynan elimizge 0,4 mlrd dollar (basym tólem túrinde 274 mln dollar jáne profıt-oıl túrinde 170 mln dollar) tústi.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar