Pikir • 22 Mamyr, 2022

Eńbektiń elengeni jaqsy

24 ret kórsetildi

Memleket basshysy Qasym-Jomart Toqaevtyń eli­mizdiń mádenıet salasynda eńbek etip júrgen óner maı­­talmandaryn kásibı mere­­ke­simen quttyqtaýynda «Qazaq­­stannyń halyq ártisi» qurmetti ataǵyn qaıtarý kerek ekenin aıtty.

Shyn máninde, mundaı ataq burynǵy odaqtas basqa res­pýblıkalarda saqtalyp qal­dy da, bizde ǵana joq. Biraq halyq áli de osyndaı ataq bar dep oılaıdy. Má­se­len, men «Qazaqstannyń eńbek sińirgen ártisi» ataǵyn 1981 jyly Muhtar Áýezov atyndaǵy Qazaq memlekettik akademııalyq drama teatrynda eńbek etip júrgende al­dym. Sol joly ol ataqty 14 akterge berdi.Solardyń qatarynda Quman Tastanbekov, Qudaı­bergen Sultanbaev jáne eń jasy men boldym.

Qazir óner salasynda eleý­li eńbek etip júrgen belgili ónerpazdarǵa «Qazaqstannyń eńbek sińirgen qaıratkeri», degen ataq beriledi. Bul da jaqsy. Alaıda osy ataqty ıelengen daryn ıesi endi «Qa­zaq­stannyń halyq ártisi» ata­ǵyn alýǵa yntalana túsedi. Bir jaǵynan, ataqty óner ada­my­nyń eńbegine berilgen qurmet dep baǵalaýymyz kerek.

Bizdiń elimizde ónerdiń qaı salasynda bolsyn top jarǵan talanttar jetedi. So­lardyń eńbegin der kezinde kórip, baǵalaı bilsek, onyń baǵy janady. Mysaly, ózim teatrda jan aıamaı eńbek etip júrg­en maıtalmandardy jaqsy bilemin. Olardyń jalaqysy da aıtarlyqtaı deı almaımyn. Biraq solar ataq úshin qyzmet istep júrgen joq, ónerdi jan-tánimen súıedi. Sondaı-aq beıneleý óneriniń mamandary da únemi nazardan shet qalyp qoıady. Olarǵa da burynǵy «Qazaqstannyń halyq sýretshisi», degen ataǵy qaıtarylsa durys bolady dep oılaımyn.

Shynynda da, bul másele kópten kóterilip keledi. Endi Prezıdenttiń tapsyrmasymen sheshimin tapqany, óner adamdarynyń mereıin asyrdy. Biz úshin qýanǵan kún boldy. Keıingi jyldary ónerge degen qoldaý, janashyrlyqty sezinemiz. О́zim astanadaǵy Qazaq ult­tyq óner ýnıversıtetinde sabaq beremin. Jastar jylynda ekinshi kýrstyń stýdentterimen mýzyka­lyq qoıylym daıyndap, ony Qaraǵandy, Atyraý, Batys Qazaqstan oblystaryna gastroldik saparmen baryp qoıdyq. Jurtshylyq jyly qarsy aldy. Osyny men óner­ge degen qoldaýdyń bir mysaly dep aıtamyn.

 

Merýert О́TEKEShEVA,

Qazaqstannyń eńbek sińirgen ártisi

Sońǵy jańalyqtar

Dollar arzandady

Qarjy • Keshe

Uqsas jańalyqtar