QR Ishki ister mınıstrliginiń ókili Shuǵyla Turlybek áleýmettik jelide taraǵan vıdeoǵa baılanysty túsinik berdi. Beınejazbada pasporttaǵy chıptiń azamattardyń júris-turysyn qadaǵalaýǵa arnalǵany aıtylady.
«Elektrondyq tólqujat álemniń kóptegen elderinde engizilgen. Qazaqstanda tólqujattar men mıkroshemasy bar jeke kýálikter 2009 jyldan bastap shyǵarylady. Ondaǵy chıp azamat týraly jeke derekterdi saqtaýǵa arnalǵan jáne jeke tulǵany anyqtaýǵa múmkindik beredi. Chıpi bar tólqujat Qazaqstan azamattarynyń elektrondy júıeleri arqyly shekara beketinen ótýin jáne pasport-vızalyq baqylaýdy jeńildetý úshin engizilgen», dedi IIM ókili arnaıy baspasóz máslıhatynda.
Vedomstvo ókili sondaı-aq tólqujattaǵy chıp azamat shekaradan ótken kezde ǵana arnaıy qurylǵynyń kómegimen tekseriletinin aıtty.
