Qylmystyq top óńirdiń Qazyǵurt, Keles, Ordabasy jáne Saryaǵash aýdandaryndaǵy 70 páterdi tonaǵan. Tártip saqshylary urylardy lombardtarǵa ótkizgen taýarlary arqyly tapqan.
Tergeý barysynda buryn osyndaı qylmystary úshin sottalǵan 26 jastaǵy er adam anyqtaldy. Ol óziniń tanystary men týystarynan top qurap, árqaısyna tapsyrma berip otyrǵan. Urlyq jasaǵan kezde olar mindetti túrde páter ıeleriniń joqtyǵyna kóz jetkizip, úı erekshelikterin eskerip otyrǵan. Urlyq jasaǵan soń, seziktini kúıeý balasy kóligimen birden alyp ketip otyrǵan. Ári qaraı uıymdastyrýshynyń anasy men jubaıy urlanǵan áshekeı buıymdardy puldap, túsken paıdasyn ózara bólisken.
Túrkistandyqtarǵa keltirilgen zalaldyń jalpy somasy 100 mln teńgeden asty. Tintý barysynda buzýǵa arnalǵan 32 túrli montaj-qurylǵylar, kiltter, 52 zergerlik buıym, 106 kepil bıleti jáne kúdiktiler urlaǵan zattaryn tasymaldaǵan avtokólik tárkilendi.
Uıymdastyrýshy jáne toptyń eki múshesi Túrkistan oblysy PD Qazyǵurt aýdandyq PB ÝUI-ǵa qamaldy. Taǵy bir kúdiktige qatysty eshqaıda ketpeý týraly qolhat bultartpaý sharasy qoldanyldy.
Qazirgi ýaqytta qylmystyq isti sotqa jiberý úshin tergeý-jedel is-sharalar kesheni júrgizilýde.
Saltanat Kenjebaı
