Iýtta Ýrpılaınen Ortalyq Azııadaǵy turaqty damý salasyndaǵy maqsattarǵa qol jetkizýge arnalǵan bul sammıt óte der kezinde ótip jatqanyn, pandemııa Ortalyq Azııanyń Turaqty damý maqsattaryna jetý jolyndaǵy ilgerileýin báseńdetkenin aıtty.
Onyń baıandaýynsha, Reseıdiń Ýkraınaǵa qarsy agressııasynyń saldary, máseleni odan ári ýshyqtyra tústi. Bul rette eń osal toptar óte kóp joǵaltýy múmkin.
«Turaqty damý maqsattary - bizdiń turaqty bolashaqqa degen jolymyzdaǵy ortaq tusbaǵdarymyz sııaqty. Eýropalyq Odaqtyń Ortalyq Azııaǵa Turaqty damý maqsattaryna qol jetkizýge kómektesý jolyndaǵy óz beıildiligin rastaýǵa ruqsat etińizder. Biz sizderdiń jaǵyńyzdamyz, sebebi biz turaqty ári ınklıýzıvti bolashaqty quryp otyrmyz. Biz sizdiń aımaqtyq dıalogqa qatysty alǵa umtylýlaryńyzdy qoldaımyz», dep atap ótti Iýtta Ýrpılaınen.
Odan ári spıker jańa «Global Gateway» strategııamyz turaqty jáne joǵary sapaly ınfraqurylymǵa ınvestısııa salý arqyly, Eýropa men búkil álemdegi seriktesterdi baılanystyrýǵa kómektesetinin aıtty. Ortalyq Azııada bizde «Team Europe» atty eki aımaqtyq bastamamyz bar. Eýropalyq Odaq 10 mıllıon eýrony quraıtyn «DARYA» óńirlik baǵdarlamasyn qoldap otyr. Bul jastardyń, sonyń ishinde oralǵan mıgranttardyń ınklıýzıvti daǵdylaryn damytýǵa yqpal etedi. Bul óńir ekonomıkasyn ártaraptandyrýǵa kómektesý úshin kásiptik oqytýdy qoldaýymyzǵa qosymsha bolady.
«Sonymen qatar biz eńbek mıgranttary men olardyń otbasylaryna kómektesý jobasyn daıyndap jatyrmyz. Aqsha aýdarymdarynyń aǵynyn jáne jańa ósýdi yntalandyrý úshin aqyldy sıfrlyq tehnologııalardy paıdalanýǵa basty nazar aýdarylyp otyr», dep atap ótti spıker.
