Kazınolardy Ystyqkóldiń jaǵalaýynan ashý josparlanyp otyr. Oǵan 21 jastan joǵary shetel azamattary ǵana kire alady, dep habarlaıdy Kabar agenttigi.
Depýtattar qujatty tek besinshi márte qaraǵan kezde ǵana maquldaı aldy.
Budan bylaı bul zań dástúrli oıyn mekemelerine ǵana emes, sonymen qatar onlaın-kazınolarǵa jáne osy qyzmet túrin jarnamalaýǵa ruqsat beredi.
QR-daǵy oıyn qyzmeti kásipkerlik qyzmettiń lısenzııalaýǵa jatatyn túri bolady. Lısenzııalaý aqyly negizde júzege asyrylatyn bolady. Joba boıynsha QR Mınıstrler kabıneti lısenzııanyń tólem mólsherin anyqtaıdy.
Kazınonyń jumysyna Qyrǵyzstanda 2012 jyldan bastap, al býkmekerlik keńseler men totalızatorlarǵa 2015 jyldan bastap tyıym salyndy. Memleket múlki men jıǵan aqshasynan utylǵan adamdardyń týystarynyń kóptegen narazylyqtarynan keıin osyndaı sheshim qabyldaýǵa májbúr boldy.
